Parashikim: Napoli – Inter

Napoli do të presë Interin në duelin prej më të mëdhenjve këtë javë në Evropë. Napolitanët do të kërkojnë të përmirësojnë gabimin pas barazimit ndaj Sassuolos, por kanë punë me një Inter që po kërkon patjetër vazhdimësinë pas fitores ndaj Fiorentinës.

Vendi: San Paolo, Napoli
Koha: 2 dhjetor (e premte), 20:45

Lajmet rreth ekipeve

Napoli

Menaxheri i Napolit, Maurizio Sarri ka shumë për të kalkuluar para duelit ndaj Interit. Duke parë ndeshjen kruciale në Ligën e Kampionëve mesjavën e ardhshme, menaxheri i Napolit ndoshta tashmë po menon më shumë për atë duel se sa për sfidën ndaj Interit.
Napoli do të duhet që së paku të bëjë një ndryshim, e ai është largimi i Dries Mertes për shkak të suspendimit. Si rezultat, Manolo Gabbiadini do të startojë, por vend nuk pritet të ketë për Emanuele Giaccherinin, pasi Lorenzo Insigne është në formë të lartë për momentin.

Lexo po ashtu Napoli dhe Interi me mungesa të rëndësishme para derbit

Inter

Stefano Pioli pritet që t’i besojë ekipit të tij që luajti ndaj Fiorentinës të hënën. Felipe Melo dhe Joao mario pritet të jenë në stol, por kjo varet nga vlerësimet që i bën në krahasim me dyshin Kondogbia – Banega të cilët patën paraqitje të mrekullueshme ndaj Fiorentinës.

Top lojtarët

A e dini se?

Napoli është i pamposhtur në 25 nga 26 neshjet e fundit në shtëpi në Serie A.

Janë shënuar së paku tri gola në shtatë nga tetë ndeshjet e fundit të Interit në Serie A.

Janë realizuar më pak se tri gola në tri ndeshjet e fundit të Napolit në shtëpi.

Interi ka shënuar së paku dy gola në tri ndeshjet e fundit në Serie A.

Analiza

Napoli ka rënë në vendin e shtatë në kampionat pas një pike të parë në ndeshjen e fundit ndaj Sassuolos të hënën. Ata janë vetëm katër pikë larg vendit të dytë dhe pozita tabelare nuk është dëshmues për gjasat e tyre.

Lexo po ashtu Formacionet e mundshme: Napoli - Inter

Interi ka mposhtur Fiorentinën dhe hyn me motivim të madh edhe pse ka shumë aspekte të lojës që duhet të përmirësohen. Stefano Pioli duket se po punon mirë përkundër faktit se ka pasur një kalendar të vështirë që prej se mori në dorë timonin e klubit Nerazzur.

Ndeshja pritet të jetë me tempo të lartë shumë e luftuar nga të dyja skuadrat. Ndeshja mund të karakterizohet me kundërsulme nga të dyja skuadrat, ku Napoli sigurisht se hyn si favorit në këtë takim, por motivimi i Interit për këtë duel është i lartë dhe mund të shohim një ndeshje me gola, por që në fund mund të përfundojë shumë lehtë pa fitues.

Parashikimi: Napoli 1-1 Inter