Pamjet tregojnë hajnat duke ikur për të shpëtuar jetën e tyre – pronari i shtëpisë hapi zjarr drejt tyre në Florida

Një video tronditëse tregon momentin kur tre hajna në Florida ikin pasi hasin në rezistencën me armë të pronarit të shtëpisë.

Pamjet nga Zyra e Sherifit të Qarkut Escambia tregojnë burrat që mblidhen dhe bisedojnë përpara rezidencës më 7 korrik përpara se njëri prej tyre të hapë derën dhe të futet brenda shtëpisë.

Dy nga të dyshuarit hyjnë brenda ndërsa një i tretë mund të shihet duke qëndruar roje jashtë me atë që duket të jetë një armë zjarri, raporton nypost.

Pronari i shtëpisë arriti të përleshej grabitësit dhe më vonë filloi të qëllonte me armë zjarri në drejtim të dy djemve.

Të shtënat me armë zjarri mund të dëgjohen duke shpërthyer në pamjet e kamerës teksa hajnat largohen nga shtëpia, thonë policët.

Ata hipën në një veturë të arratisjes aty pranë që drejtohej nga një i dyshuar i katërt dhe u larguan.

Sherifi Chip Simmons tha se viktima nuk do të përballet me asnjë akuzë për të shtënë ndaj burrave dhe mbështeti të drejtat e pronarëve të shtëpive për t’u mbrojtur në një intervistë të fundit në Fox. /Telegrafi/