Pamjet që tregojnë zhvillimin e situatës ndërmjet Ronaldos dhe Ten Hagut, para se portugezi të largohej drejt zhveshtores

Pamjet e reja se si u zhvillua situata mes Cristiano Ronaldos dhe Erik ten Hagut në ndeshjen ndërmjet Manchester United dhe Tottenham Hotspur janë shfaqur këto ditë në internet.

Superylli portugez refuzoi të hynte si zëvendësues në fitoren prej 2-0 në javën e kaluar dhe për këtë arsye trajneri e përjashtoi nga skuadra në sfidën e radhës në Ligën Premier ndaj Chelseat.

Një video e shpërndarë në rrjetet sociale tregon se Ronaldo dhe Ten Hag kishin ndërruar fjalë gjatë lojës, para se 37-vjeçari të largohej drejt zhveshtores.

So this is basically how the Ronaldo & Ten Hag situation unfolded then? https://t.co/OKmNw1GrGq

— 𝗧𝗲𝗻 𝗛𝗮𝗴’𝘀 𝗥𝗲𝗱𝘀 ✍🏼🇳🇱 (@TenHagBall_) October 25, 2022

Në xhirim shfaqet strategu holandez duke biseduar me futbollistin, i cili duket se ia bën me gisht në formë mohimi.

Më pas, Ronaldo çohet nga ulësja, zbret shkallët dhe qëndron në hyrje të pjesës ku qëndrojnë Djajtë e Kuq, ndërkohë që i përshëndet Jadon Sanchon dhe Casemiron.

Cristiano Ronaldo full highlights against Tottenham in HD quality. Miss it at your own risk. pic.twitter.com/NXpfg8K3Wa

— Revenant (@HereHeIsAgain) October 20, 2022

Më pas, akoma pa përfunduar ndeshja, ai niset drejt tunelit për të shkuar në zhveshtore. Veprimi i tij është ndëshkuar nga Ten Hag dhe Unitedi, derisa ekspertët e futbollit janë të ndarë me opinionet e tyre kundërshtuese dhe mbështetëse për të veprim.

Sido që të jetë, Ronaldo dhe trajneri i tij i kanë qetësuar gjakrat (së paku përkohësisht) dhe lojtari është kthyer në stërvitje para ndeshjeve ndaj Sheriffit dhe West Hamit. /Telegrafi/