Osmani: Policia, garant i sigurisë dhe stabilitetit në Kosovë

Me rastin e 25-vjetorit të themelimit të Policisë së Kosovës, Presidentja e Republikës, Vjosa Osmani, ka shprehur mirënjohjen më të thellë për kontributin e jashtëzakonshëm të të gjithë anëtarëve të kësaj force.

Në një postim në rrjetet sociale, Presidentja Osmani ka vlerësuar përkushtimin, guximin dhe sakrificat e të gjithë atyre që kanë shërbyer dhe vazhdojnë të shërbejnë në Policinë e Kosovës.

“Sot shënuam 25 vjetorin e themelimit të Policisë së Kosovës për ta nderuar përkushtimin, guximin dhe sakrificën e grave dhe burrave që kanë shërbyer dhe vazhdojnë të shërbejnë si gardianë të rendit, sigurisë, integritetit dhe sovranitetit të Republikës së Kosovës”, ka shkruar Presidentja Osmani.

Që nga themelimi, Policia e Kosovës ka kaluar një udhëtim të gjatë dhe të vështirë, duke luajtur një rol kyç në ndërtimin e një shoqërie demokratike dhe të sigurt.

Në këto 25 vjet, policia ka përballuar sfida të shumta, duke përfshirë krimin e organizuar, korrupsionin dhe tensionet etnike.

Pavarësisht këtyre sfidave, policia ka arritur të forcojë sundimin e ligjit dhe të sigurojë një mjedis më të sigurt për të gjithë qytetarët e Kosovës.

Policia e Kosovës është shndërruar në një simbol të shtetit të Kosovës dhe të aspiratave të popullit kosovar për një të ardhme më të mirë.

Pjesëtarët e Policisë së Kosovës janë përballur me rreziqe të mëdha për të mbrojtur vendin e tyre dhe për të shërbyer qytetarëve./Telegrafi/