Osmani fillon konsultimet me partitë politike, takohet me Tahirin e AAK-së

E plotësuar: U.d e presidentes Vjosa Osmani është duke vazhduar takimet konsultative me partitë politike për caktimin e datës së zgjedhjeve.

Osmani tashmë ka nisur takimin me përfaqësuesin e AAK-së, Besnik Tahiri.

Gjatë ditës Osmani ka takuar Albin Kurtin nga LVV, Arban Abrashin nga LDK, dhe Memli Krasniqin nga PDK. /Telegrafi/

—-

E plotësuar: Ushtruesja e detyrës së Presidentes së Kosovës, Vjosa Osmani pas takimit me kryetarin e LVV-së, Albin Kurti, me Arban Abrashin të LDK-së, ka nisur takimin me Memli Krasniqin nga Partia Demokratike e Kosovës.

Pas takimit me Krasniqin, Osmani do të takohet edhe me përfaqësues të AAK-së.

Osmani fillon konsultimet me partitë politike, takohet me Abrashin

E plotësuar- Ushtruesja e detyrës së Presidentes së Kosovës, Vjosa Osmani pas takimit me kryetarin e LVV-së, Albin Kurti ka nisur takimin me LDK-në.

Në këtë takim LDK-në është duke e përfaqësuar ministri në detyrë, Arban Abrashi.

Pas këtij takimi Osmani do të takoj përfaqësuesit e PDK-së, e pastaj të AAK-së. /Telegrafi/

—–

Osmani fillon konsultimet me partitë politike, takohet me Kurtin

Gjykata Kushtetuese ka hedhur poshtë votën e deputetit Etem Arifi për zgjedhjen e Qeverisë dhe ka urdhëruar ushtruesen e detyrës së presidentes Vjosa Osmani, që të shpallë zgjedhjet e parakohshme në afat prej 40 ditësh, ndërsa pas këtij njoftimi sot Osmani filloi konsultimet me partitë politike për datën e zgjedhjeve.

Tashmë ka nisur takimi ndërmjet Osmani dhe liderit të Vetëvendosjes, Albin Kurti.

Osmani në orën 14.00 do të ketë takim me Lidhjen Demokratike të Kosovës, në orën 15.00, me Partinë Demokratike të Kosovës, ndërsa në orën me 16.00, Aleancën për Ardhmërinë e Kosovës.

Të mërkurën, Osmani do të vijojë takimet me përfaqësuesit e subjekteve të tjera politike. /Telegrafi/