Orari ia mundëson Prishtinës ta zgjedh cilindo stadium, por rrugët dërgojnë në Pejë

Superliga do të mbyllet të dielën, ku në orar është vetëm një ndeshje, ajo që vendos titullin e kampionit, mes Prishtinës dhe Dritës. 

Drita është lider me 66 pikë, ndërsa Prishtina ka tri më pak.

Gjilanasve iu konvenojnë tri rezultatet, pasi përvec fitores dhe barazimit, edhe humbja me një gol diferencë do t’i bënte kampion.

Por përballë kanë klubin më të madh në vend, Prishtinën, që edhe përkundër mungesës së stadiumit, arritën të jenë në hapë për titull.

Tashmë ka mbetur që të zyrtarizohet vetëm stadiumi ku do të zhvillohet ndeshja, ndrysa Prishtina përveç stadiumit të qyteti mund të zgjedh vendin ku do të luajë.

Kjo pasi tri ndeshje zhvillohen të premten, dy të shtunën, ndërsa vetëm një të dielën.

Nuk ka ende asgjë zyrtare, por me gjasë të madhe ndeshja do të zhvillohet në Pejë.

Në rast se ndeshja ndërmjet Prishtinës dhe Dritës do zhvillohet në Pejë, ajo nuk do të jetë e vetmja për këtë fundjavë që zhvillohet në këtë qytet.

Të premten Besa e pret Llapin në “Shahin Haxhiislami” në duelin “lamtumirës” me Superligën e Kosovës, kjo pasi pejanët nga edicioni i ardhshëm do bëjnë gara në Ligën e Parë.

Prishtina mund të luajë edhe në Drenas dhe në stadiumin e Flamurtarit, pasi të dy do të jenë të lirë të dielën. /Telegrafi/