OBRM-PDUKM: LSDM-ja nuk mbajti premtimin për rritjen e pensioneve

OBRM-PDUKM-ja ka reaguar ndaj politikave të LSDM-së ndaj pensionistëve. Sipas tyre, LSDM-ja ka shkelur premtimet parazgjedhore dhe programin e saj, ku premton rritje dy herë në vit të pensioneve. Ata thonë se vazhdimisht po rriten shpenzimet e qytetarëve, ndërsa pensionet ngelin të njejta.

Sipas OBRM-PDUKM-së, vetëm në janar të këtij viti, krahasuar me një vit më parë, shpenzimet për jetë janë rritur për 1,1%, ndërsa çmimet e produkteve në pakicë për 2,3%.

OBRM-PDUKM-ja thotë se në vend se të rrisë pensionet, LSDM harxhon para për angazhimin e këshilltarëve në Qeveri dhe nëpër ministri.

“LSDM në fushatë premtonte se dy herë në vit do të rriten pensionet. Më saktë, në programin e tyre thuhet se dy here në vit pensionet do të rriten në raport me rritjen e pagave dhe shpenzimeve, ndërsa në fund të vitit Qeveria do të sjellë vendim për rritje të jashtëzakonshme të pensioneve. Po kalon një vit nga Qeveria e LSDM-së, ndërsa premtimet për pensionistët nuk janë realizuar. Rritje të pensioneve nuk ka”, deklaroi Sllobodanka Aleksovska nga OBRM-PDUKM.