OBRM-PDUKM: Familjari i Zaevit me automjet ka ndjekur Mickoskin në afërsi të Budapestit

Nëpërmjet një njoftimi nga partia maqedonase OBRM-PDUKM thuhet se “LSDM duhet të përgjigjet në pyetjen se e kujt është automjeti ‘bently’ me tabela të Strumicës që ndjek kryetarin e opozitës”.

OBRM-PDUKM thotë se Mickoski ka udhëtuar në Vjenë me automobil privat, por në afërsi të Budapestit, automjeti i tij është ndjekur nga autmjeti i llojit “bently” me tabela të Strumicës, që siç thonë nga LSDM, është drejtuar nga familjari i kryeministrit Zoran Zaev, njofton Telegrafi Maqedoni.

Nga partia kërkojnë që LSDM të përgjigjet se kush ka drejtuar dhe kush ka dhënë urdhër që të ndiqet kryetari i opozitës maqedonase, dhe cili është qëllimi i ndjekjes dhe kush e financon.

Lexo po ashtu LSDM: Mickoski të përgjigjet nëse është takuar me Gruevskin në Budapest

“Besojmë se ky është burimi i prirjes tendencioze të dezinformimeve që shfaqet në media të caktuara, të cilët vetëm se vërtetojnë mos pasjen e ideve nga pushteti, përpjekjet për shpërqendrim nga temat e vërteta dhe prania e nervozës është për shkak të mbështetjes së dobët të qytetarëve”, thonë nga OBRM-PDUKM./Telegrafi/