Oaza e gjelbër në lindje të Ukrainës, pamje që tregojnë se si dukej Bakhmuti para agresionit rus

Blogeri ukrainas Denis Kazanski postoi në Twitter një video të Bakhmutit nga viti 2021, disa muaj para agresionit rus kundër Ukrainës, dhe inkurajoi shumë të kujtojnë se si ishte jeta në këtë qytet.

Para agresionit rus kundër Ukrainës, Bakhmuti kishte pak më shumë se 70,000 banorë, dhe ishte qendra e industrisë së kripës dhe verës në këtë pjesë të vendit.

Në qytet kishte rreth 20 shkolla dhe 29 kopshte, si dhe klube të shumta sportive, transmeton Telegrafi.

Бахмут в 2021 году. Сразу видно, что город страшно страдал под игом «украинского фашизма»

Ну ничего, теперь всего этого больше не существует. Пришла Россия и все уничтожила. У них это называется денацификация pic.twitter.com/54bNaZJ6ai

— Денис Казанський (@den_kazansky) April 19, 2023

Një nga qytetet e Ukrainës ku trolejbusët janë mjetet kryesore të transportit publik, dhe ishte gjithashtu shtëpia e dy kishave ortodokse, një katolike dhe një xhamie.

Qyteti ndryshoi emrin disa herë, dhe emri origjinal Bakhmut u ndryshua pas Revolucionit të Tetorit në Artemovsk sipas udhëheqësit bolshevik Fyood Sergeyev, i njohur si shoku Artem.

Por në vitin 2016, në procesin e dekomunizimit, qytetit ktheu emrin e vjetër, Bakhmut. Në vitin 2014, qyteti ishte për pak kohë nën kontrollin rus, por u çlirua shpejt dhe u kthye në duart e Ukrainës.

Në maj të vitit të kaluar, Bakhmuti u bë vija e parë e frontit dhe u shkatërrua plotësisht në luftimet që zgjatën gati një vit. Nga 70 mijë banorët e dikurshëm, në qytet kanë mbetur vetëm dy deri në tre mijë, të cilët nuk kanë ujë, energji elektrike dhe gaz.

Бахмут. Ни одного целого здания. Город полностью уничтожен

Так выглядит «помощь Донбассу» от Путина pic.twitter.com/Thnra39AEB

— Денис Казанський (@den_kazansky) April 12, 2023

Në fillim të këtij viti, sulmet ruse ndaj Bahmutit u intensifikuan në përpjekje për të fituar një avantazh të kufizuar taktik duke pushtuar këtë qytet.

Sulmet drejtohen nga mercenarë të grupit rus Wagner, të cilët përdorin taktika të valëve njerëzore për të sulmuar pozicionet ukrainase.

Nga ana tjetër, ukrainasit pretendojnë se Bakhmuti ka pak vlerë strategjike, por e shohin atë si një vend të rëndësishëm për daljen e pajisjeve dhe personelit ushtarak rus.

Komandantët rusë shpresojnë se kapja e Bakhmutit mund t’u japë atyre një trampolinë për përfitime të mëtejshme territoriale.

Marrja e qytetit do të lejonte Rusinë të kërcënonte zonat më të mëdha urbane të Kramatorsk dhe Sloviansk. Ndërkohë, forcat ukrainase pritet të nisin një ofensivë të re në javët e ardhshme, në përpjekje për të rimarrë territorin aktualisht nën pushtimin rus. /Telegrafi/