Një tjetër eksperiencë e re në aktrim, Rita Ora: Mezi pres ta shihni filmin e ri “Twist” në vitin 2020

Këngëtarja shqiptare me famë botërore, Rita Ora, pas sukseseve të shumta e ka zhvendosur së fundmi fokusin e karrierës së saj edhe në aktrim.

Ajo është bërë pjesë e një prodhimi të ri filmik, të quajtur “Twist”, e që do të jetë një ripërpunim i ri i ngjarjes së shtjelluar në romanin e famshëm “Oliver Twist”.

Rita këto javë ka zhvilluar xhirime intensive me ekuipazhin e filmit, teksa të premten vendosi të ndajë me fansat një fotografi ku shihej krah emrave të mëdhenj të aktrimit, që luajnë rolet kryesore në këtë film.

“Jam shumë e nderuar që jam pjesë e #Twist dhe këtij kasti të mahnitshëm. Është e jashtëzakonshme të punosh me këta djem dhe me tërë ekipin çdo ditë, nuk mund të pres që të gjithë ta shohin në vitin 2020!”, ka shkruar këngëtarja shqiptare në mbishkrimin e fotografisë.

https://www.instagram.com/p/B4m350pljFj/

Artistja 28 vjeçare do të interpretojë rolin e Artful Dodger në këtë film, e që është shqoja e ngushtë e Oliverit.

Lexo po ashtu "Jam këtu për t'ju ruajtur ju", Rita Ora shfaqet inkurajuese e veshur si police gjatë xhirimeve të filmit të ri "Twist"

“Twist” do të vijë si ripërpunim i romanit të famshëm “Oliver Twist”, të autorit Charles Dickens, në të cilin personazhi kryesor është rikrijuar si një artist në rrugë që jeton në rrugët e Londrës së sotme.

Rita përndryshe karrierën në aktrim e ka nisur si e vogël, duke u bërë pjesë e filmit “Spivs”, ku kishte interpretuar rolin e një vajze shqiptare, dhe vazhdimisht kishte folur shqip gjatë filmit.

Talenti i saj në aktrim dhe art në përgjithësi buron nga gjyshi i saj, Besim Sahatçiu, i cili ishte regjisor i njohur shqiptar në mbarë Ish-Jugosllavinë. /Telegrafi/