Nga fanella me numër 5 te të luajturit me Mbappen, çmimi i paguar dhe përkufizimi i vetes si i gjithanshëm  – konferenca e plotë e Bellingham

Në ditën e tij të parë si lojtar i Real Madridit, Jude Bellingham kërkoi topin dhe vendosi 5-shin e Zinedine Zidane në shpinë.

Në fillim duket qartë se ai është një futbollist që nuk i shmanget presionit. “Jam gati për sfidën”, ka thënë Bellingham në daljen e tij të parë në konferencë, ku tregoi gjithashtu se e trajton veten mirë nën qendër të vëmendjes.

Anglezi befasoi me një fjalim të pjekur, të sjellshëm, miqësor dhe të qetë. Ashtu si David Beckham, britaniku i gjashtë në historinë e Real Madridit nuk ishte aspak i ngurtë me presidentin e Real Madridit apo me shtypin.

Në një konferencë për shtyp, i shoqëruar nga Emilio Butragueno, siç e ka traditë, Bellingham nuk bëri ‘pazare’ për asnjë pyetje dhe tregoi se ka të njëjtin vetëbesim që ka në fushë para gazetarëve.

Lexo po ashtu Prezantohet me fanellën numër 5 te Real Madridi, fjalët e para të Bellingham si lojtar i ri i Los Blancos

Interesimi i ekipeve nga Liga Premier?

“Paratë nuk janë aq të rëndësishme për mua, nuk mendoj kurrë për paratë kur marr vendime të tilla. Futbolli është sporti që dua. Më pëlqeu ndjenja që jep Real Madridi dhe fola me Borussia Dortmund në mënyrë që gjithçka të shkojë shpejt”.

Numri 5 i Zidane

“Doja të falënderoja Vallejo që më dha numrin 5. E pyeta nëse e kishte mendjen dhe ai është një djalë i mrekullueshëm. Unë e admiroj shumë Zidane dhe është një numër që më frymëzon. Nuk dua të jem si ai, sepse unë jam ndryshe, por jam i kënaqur të vesh këtë numër. Është një nder”.

5️⃣ @BellinghamJude 5️⃣#HeyJude pic.twitter.com/FTTl4MDuXS

— Real Madrid C.F. 🇬🇧🇺🇸 (@realmadriden) June 15, 2023

Bisedat me Ancelottin

“Po, kam folur me të. Ai është një menaxher i jashtëzakonshëm. Jam i kënaqur që ai më do në ekipin e tij”.

Çfarë do të thotë që prindërit tuaj të jenë këtu?

“Ata po qanin dhe nuk qajnë shumë, kështu që është një moment i veçantë për ta. Kjo do të thotë shumë për ta. Respekti i klubit për familjen time ka qenë i jashtëzakonshëm në këtë proces”.

Ndjenja e Madridismit nga vjen?

“Respekti që Anglia ka për Real Madridin është mbresëlënës. Kam parë ndeshje nga vitet e kaluara dhe kam kuptuar arritjet që ata kanë bërë. Është një klub shumë tërheqës”.

🗣️ @BellinghamJude
📰 #HeyJude pic.twitter.com/11llztdXol

— Real Madrid C.F. 🇬🇧🇺🇸 (@realmadriden) June 15, 2023

Mënyra e të luajturit?

“Kërkesat e klubit janë të rëndësishme, por unë kam mësuar shpejt të luaj që në moshë shumë të re. E di se sa e rëndësishme është kjo përgjegjësi”.

Një vit me Kroos dhe Modric?

“Për mua është një përvojë e paçmuar. Përvoja e tyre është e pabesueshme dhe unë do të përpiqem të qëndroj me ta në javët e para, shpresoj që ata të mos kenë problem. Ne kemi një përzierje të shkëlqyer të përvojës dhe rinisë”.

Presioni prej numrit 5?

“Fanella në vetvete është një përgjegjësi e madhe. Ai është një lojtar që e kam vlerësuar gjithmonë, për mua ka qenë më i miri. Dua të zgjeroj trashëgiminë e numrit”.

Mbappe?

“Siç thashë me Harry Kane, ata janë dy lojtarë të jashtëzakonshëm, por unë kam parë vetëm atë që thuhet në internet ose Tëitter. Do të doja të luaja me të, sigurisht”.

🆕 @BellinghamJude 🆕#HeyJude pic.twitter.com/HCMHYykb17

— Real Madrid C.F. 🇬🇧🇺🇸 (@realmadriden) June 15, 2023

Kur vendosët të nënshkruani për Real Madridin?

“Momenti i saktë është i vështirë të thuhet. Kur ata u kthyen në shtëpi… Nuk e mbaj mend kur ishte. Isha në finalen e Liverpoolit… Ishte një kombinim i gjërave”.

Çfarë të ka bërë më shumë përshtypje gjatë kohës që ka qenë në Madrid?

“Ajo që më ka bërë më shumë përshtypje ka qenë gjatë nënshkrimit, të jem në dhomën me 14 Kupat e Evropës. Më kanë bërë të dëshiroj të fitoj një. Nga gjithçka që kam përjetuar, mendoj se ka qenë momenti më i mirë”.

Lexo po ashtu Bellingham lë pas emra të mëdhenj, bëhet blerja e dytë më e madhe në histori të Real Madridit

Transferimi prej 103 milionë eurosh?

“Çmimi nuk më shqetëson, as nuk e di. Jam futbollist, nuk jam as avokat dhe as kontabilist”.

Si e përcaktoni veten?

“Unë jam i gjithanshëm, ​​kam një sërë cilësish që shpresoj t’i tregoj”, përfundoi mesfushori anglez. /Telegrafi/