45 pacientë me COVID-19 të shtrirë në spitale në gjendje kritike

Shërbimi Spitalor Klinik e Universitar i Kosovës ka bërë të ditur se nëpër klinikat e QKUK-së dhe spitalet e përgjithshme janë duke u trajtuar 630 pacientë, prej të cilëve 480 janë të konfirmuar me COVID-19.

Sipas komunikatës për medie, 13 nga pacientët janë me respirator, 32 me metodën CPAP dhe 389 me oksigjen.

Në QKUK dhe klinikat e saj janë të hospitalizuar gjithsej 271 pacientë, prej të cilëve të konfirmuar pozitiv me COVID-19 janë 237, të konfirmuar negativ janë 10, kurse ende të pakonfirmuar janë 24.

Nga këta pacientë, në respirator janë 9, me metodën CPAP janë 17 kurse me oksigjen janë 173.

Nëpër spitalet rajonale janë duke u trajtuar gjithsej 359 pacientë, prej të cilëve të konfirmuar pozitiv me COVID-19 janë 243, të konfirmuar negativ janë 6 kurse të pakonfirmuar janë 110.

Në spitalin e Prizrenit janë të shtrirë 89 pacientë, në atë të Gjakovës janë 47, në spitalin e Pejës janë 53, në Ferizaj 61, në Gjilan 66, ndërsa në Vushtrri e Mitrovicë janë 43 pacientë.

Nga këto shifra, në respirator janë duke u trajtuar 4 pacientë, me metodën CPAP janë 15 ndërkaq me oksigjen janë 225.

Lexo po ashtu Dymbëdhjetë të vdekur dhe 190 raste të reja me COVID-19 gjatë 24 orëve në Kosovë

Ndryshe, komuna e Prishtinës, ajo e Mitrovicës dhe e Podujevës janë tri komunat prej të cilave janë konfirmuar më së shumti raste pozitive sot në raportin e publikuar nga Instituti Kombëtar i Shëndetësisë Publike të Kosovës.

Nga gjithsej, 190 raste pozitive, 48 janë konfirmuar në Prishtinë, 24 në Mitrovicë dhe 18 në Podujevë.

Lexo po ashtu Prishtina, Mitrovica e Podujeva me më së shumti raste me COVID-19 të konfirmuara sot

Gjithashtu 197 persona janë shëruar gjatë 24-orëve të fundit në Kosovë, ndërkaq numri i të vdekurve tashmë ka arritur në 315, pasi 12 pacientë me COVID-19 kanë humbur betejën me këtë sëmundje në këto 24 orë. /Telegrafi/