“Nëntori ka mbaruar dhe dhjetori ka filluar”, Flick i kënaqur me fitoren e Barcelonës ndaj Mallorcas

Të martën mbrëma, Barcelona u rikthye në formë në mënyrë të theksuar me një fitore 5-1 ndaj Mallorca në Son Moix. Katalunasit kishin shkuar më parë pa fitore në tre ndeshjet e tyre të mëparshme në La Liga (kundër Real Sociedad, Celta Vigo dhe Las Palmas), por kjo seri e dobët është hedhur poshtë.

Sipas gazetës Mundo Deportivo, Hansi Flick shprehu kënaqësinë e tij për rezultatin, si dhe për përfundimin e formës së dobët që ka pasur skuadra e tij nga Barcelona.

“Në pjesën e parë patëm shumë raste dhe shënuam, por ata na barazuan. Jemi të lumtur. Shënimi është shumë i rëndësishëm për ne. Krijuam shumë raste, por i humbëm ato (kundër Las Palmas). Këtë herë jam i lumtur që kam shënuar pesë gola”, ka thënë fillimisht Flick.

“Unë e kisha paralajmëruar tashmë se isha i lumtur sepse ky m** nëntori ka mbaruar dhe dhjetori tani ka filluar”.

High Five, Hansi! 🙌#MallorcaBarça | #LaLigaHighlights pic.twitter.com/NgjWSAWYV2

— FC Barcelona (@FCBarcelona) December 3, 2024

Flick shpjegoi gjithashtu vendimin për të pushuar Robert Lewandowski, i cili u zëvendësua nga bashkëlojtari i Barcelonës, Ferran Torres, nga minuta e parë.

“Lewandowski kishte nevojë për pushim, ne duhej të kujdeseshim për të. Përveç kësaj, Ferran bëri një lojë shumë të mirë dhe shënoi golin e parë, është shumë e rëndësishme për të. Sa herë që kemi nevojë për të, ai është aty. Sot nuk ishte e nevojshme të luaja me Lewandowskin”, përfundoi trajneri gjerman. /Telegrafi/