“Do ta zëvendësoja Eglin me Gertën”, Arbër Hajdari thotë se katërshja që shkoi në finale nuk ishte ajo që ai kishte menduar

Gjatë spektaklit Post Big Brother VIP Albania, pati shumë përplasje mes banorëve dhe diskutime të nxehta që ngjallën debate të shumta.

Një moment i veçantë ishte kur Ledioni përmendi deklaratën e Arbrit, i cili kishte thënë se katërshja që shkoi në finale nuk ishte ajo që ai kishte menduar në fillim.

Arbri, duke komentuar mbi dinamikat e lojës, shprehu mendimin se nëse do të kishte mundësi, do të kishte zëvendësuar Eglin me Gertën.

Ai theksoi se, duke parë situatat që zhvilloheshin brenda shtëpisë, Eglin mori mbështetje të madhe nga publiku për lidhjen e saj me Gjestin, e cila ishte një pjesë e rëndësishme e lojës dhe e dinamikave të shtëpisë.

Nga ana tjetër, Arbri theksoi se Gerta kishte luajtur një lojë më të pavarur dhe kishte pasur marrëdhënie dhe debate me shumë banorë të tjerë gjatë qëndrimit të saj në shtëpi, duke e bërë më të dukshme sesa Eglin.

“Do ta zëvendësoja Eglin me Gertën. Unë mendoj se ashtu si erdhën situatat brenda shtëpisë, Eglin mori me vete votat e publikut që donin raportin e këtij çifti. Dinamikat brenda lojës ishin të fokusura rreth marrëdhënies së saj. Ndërsa Gerta ka qenë një banore që pjesën më të madhe të kohës ka luajtur vetë dhe ka pasur dinamikë pothuajse me të gjithë banorët dhe shikoja Gertën më tepër se sa Eglin”, u shpreh Arbri.

Ledioni shtoi se Gerta ishte një nga banoret që kishte pasur debatet më të forta që nga fillimi i programit dhe se kjo kishte ndikuar shumë në zhvillimin e ngjarjeve në shtëpi. /Telegrafi/