Nëna i vdiq nga kanceri, atë e rrëmbyen militantët e Hamasit – momenti kur 9-vjeçarja nga Izraeli i rikthehet babait

Emily Hand mbushi 9 vjet si peng në Gazë, një ditë para se të takohej sërish me babanë e saj, i cili fillimisht kishte menduar se ishte vrarë në sulmin e Hamasit në jug të Izraelit gjatë muajit të kaluar.

Emily është rikthyer në shtëpi në grupin e dytë të pengjeve që i liroi Hamasi. Janë publikuar momentet kur ajo i rikthehet babait, transmeton Telegrafi.

Lirimi i saj ishte pjesë e marrëveshjes së arritur mes Izraelit dhe Hamasit të ndërmjetësuar nga Katari. Emily në pamjet e publikuara më poshtë, dukej se ishte pa ndonjë lëndim trupor.

Lexo po ashtu Autoritetet palestineze thonë se izraelitët kanë vrarë gjashtë persona në Bregun Perëndimor

9-vjeçarka është vajza e një irlandeze të zhvendosur në Izrael, e cila humbi jetën nga kanceri derisa Emily ishte 2-vjeçare. Familja e vajza e kishte përshkruar lirimin e saj si një përzierje ndjenjash.

“Nuk po mund të gjejmë fjalë për të përshkruar emocionet tona pas 50 ditëve sfida. Jemi shumë të lumtur që po e përqafojmë sërish Emilyn, por të njëjtën kohë kujtojmë Raye Roten dhe të gjithë pengjet që duhet të rikthehen”, tha familja e saj. /Telegrafi/

The first hug! Here's the moment Emily Hand ran into the arms of her father.

And right after, Hila Rotem Shoshani ran into the arms of her uncle. Her mother is still being held hostage in Gaza. pic.twitter.com/c0sSvqaoNc

— Aviva Klompas (@AvivaKlompas) November 26, 2023