Në Camp Nou s’ka më frikë – rinovimi i Messit vetëm formalitet

E marta shënoi dy muaj që prej se Barcelona doli me një komunikatë duke “garantuar” për rinovimin e kontratës së LInoel Messit deri më 30 qershor, 2021.

Por, që prej asaj kohe, klubi katalanas ka pasur shuam probleme, ku gjërat u bënë të komplikuara pasi Neymar nuk është më pjesë e klubit (ka nënshkruar me PSG-në për 222 milionë euro) dhe telashet në udhëheqësi të klubit kanë kulmuar ku para derbit katalanas ndaj Espanyolit po kërkohet dorëheqja e presidentit, Josep Maria Bartomeu.

Sidoqoftë, në Camp Nou janë të qetë. Klubi Blaugran është kontaktuar nga AS dhe kanë mbajtur qëndrimin prej dy muajsh më parë.

“Ne jemi shumë të qetë për këtë temë. Gjithçka është rregulluar shumë kohë më parë”, precizoi burimi brenda Barcelonës i cili shtoi se mungon vetëm nënshkrimi formal nga Messi dhe presidenti.

Të dyja palët besohet se ka kohë që po kërkojnë një ditë të përshtatshme në mes të kalendarit të ngjeshur të ndeshjeve për të hedhur poshtë paqartësitë rreth të ardhmes së argjentinasit.

Burime tjera brenda Camp Nou thonë se atmosfera mes Messit dhe klubit nuk është e keqe edhe pse kishte gjëra që nuk i kanë pëlqyer Messit.

Të gjitha indikacionet janë që Messi do të vazhdojë me Barcelonën. Kjo duket se është dëshrië e tij, dëshirë e Bartomeut dhe e të gjithë katalanasve edhe pse për momentin Messit i duket e shtrenjtë një buzëqeshje për tifozët. /Telegrafi/