Moise Kean: Nuk më shton presionin Ronaldo, por fanella e Juventusit

Moise Kean është bashkuar me Juventusin në ditën e fundit të afatit kalimtar veror nga Evertoni.

Në fakt për sulmuesin e ri italian është një rikthim në Torino, pas dy viteve të kaluara një te Everton dhe një tjetër te PSG.

Lojtari ka folur për rikthimin e tij në Torino, duke thënë se fanella e Juventusit i jep shumë emocion.

“Fanella e Juventusit më ka dhuruar gjithmonë emocione e më duket se kam bërë zgjedhjen e duhur. Jam rritur në këtë klub dhe këshillat nuk më kanë munguar, që nga trajneri im i parë. Ai ishte si baba për mua dhe do t’i jep mirënjohës”, tha fillimisht Kean.

Në fakt Kean u morr nga Juventusi si zëvendësues i Cristiano Ronaldos që kaloi te Manchester United, por sulmuesi italian thotë se nuk ndien presion nga kjo.

“Nuk ndihem aspak në presion si zëvendësues i Ronaldos. Jam rikthyer për ta ndihmuar skuadrën ku jam rritur dhe vetëm kjo fanellë më jep presion dhe emocion”, vazhdoi tutje sulmuesi italian.

Tutje reprezentuesi italian ka deklaruar se së bashku me shokët e ekipit synojnë majat me Juventusin.

“Kur vesh fanellën e Juventusit duhet ta djersitësh shumë. Të gjithë së bashku do të bëjmë gjithçka për ta rikthyer Juventusin në maja”, ka deklaruar Kean. /Telegrafi/