Mjeku që u vra nga Hamasi, i tha familjes që të ikin – vet qëndroi për të ndihmuar të plagosurit

Në profilin zyrtar të shtetit të Izraelit në platformën X është publikuar një fotografi, për të cilën pretendohet se shfaq mjekun Daniel Levi nga rajoni përgjatë kufirit me Gazën që të shtunën u sulmuar nga militantët e Hamasit që vranë dhjetëra civilë.

“Heroi është vrarë sepse shpëtoi tjerët. Daniel Levi nga Peru jetonte në kibuc në jug të Izraelit. Terroristët e Hamasit sulmuan komunitetin ku jetonte me familje dhe filluan të vrasin dhjetëra njerëz”, thuhet në kumtesë, transmeton Telegrafi.

“Daniel ishte mjek, këmbëngulte që familja e tij të ikë nga ai, kurse ai qëndroi të ndihmojë të plagosurit. Terroristët e Hamasit e vranë. Kujtojmë këtë hero”, u tha ndër tjera.

Lexo po ashtu Zëvendësministri turk i Arsimit i reagon ashpër kryeministrit izraelit, në videon e postuar të sulmeve ajrore në Gazë

Kujtojmë që në orët e para të mëngjesit të së shtunës militantët e Hamasit filluan sulmin e befasishëm mbi qytetet izraelite, ku si pasojë mijëra persona humbën jetën.

E si kundërpërgjigje, ushtria izraelite filloi sulmet ajrore në qytetin e Gazës, duke goditur caqet që pretendonin se Hamasi i shfrytëzonte si baza. /Telegrafi/

A hero that was murdered for saving others 💔

Daniel Levi, from Peru, lived in a Kibbutz in the south of Israel.

Hamas terrorists invaded the community where he lived with his family and began slaughtering dozens of people.

Daniel, who was a doctor, insisted that his family… pic.twitter.com/9d6zWaDbCF

— Israel ישראל (@Israel) October 11, 2023