Mjeku që do ta operojë Neymarin: Riaftësimi pas operacionit, është nga dy muaj e gjysmë deri në tre muaj

Neymari mund të mungojë rreth tre muaj pas ndërhyrjes kirurgjike në këmbën e tij. Kështu ka lënë të kuptohet mjeku brazilian, Dr. Rodrigo Lasmar.

Sulmuesi i Paris Saint-Germainit u lëndua në ndeshjen e fundjavës së kaluar kundër Marseille duke pësuar ndrydhje dhe frakturë të ashtit të pestë metatarsal të këmbës së djathtë.

https://www.instagram.com/p/BfwbOYKDufZ

Pas spekulimeve që qarkulluan këto ditë në media, klubi francez konfirmoi se ai do t’i nënshtrohet ndërhyrjes kirurgjike.

Operacioni i futbollistit më të shtrenjtë në botë do të ndodhë të shtunën në Belo Horizonte në spitalin Marte Dei. Ndërhyrjen do ta udhëheqë Dr. Rodrigo Lasmar, i cili është prononcuar për këtë rast.

Neymar tashmë është konfirmuar se do të mungojë në ndeshjen kthyese të 1/8 së finales të Ligës së Kampionëve kundër Real Madridit që zhvillohet në mesjavën e ardhshme në Parc des Princes, mirëpo mjeku ka thënë se mungesa e futbollistit mund jetë shumë më e gjatë.

Sipas tij, sulmuesi brazilian mund të kthehet në fushë në fillim të muajt qershor që është vetëm dy javë para fillimit të Kampionatit Botëror në Rusi.

“Shpresojmë që ai të jetë në gjendje më të mirë për operim. Riaftësimi është nga dy muaj e gjysmë deri në tre muaj. Secili lojtar është i ndryshëm. Qëllimi është të monitorohet si është gjendja dhe të bëhen kontrolle të rregullta gjatë rikuperimit”.

Neymar's status for #PSG against Real Madrid will be in question after this nasty ankle injury … pic.twitter.com/krFQTavVgG

— GOAL (@goal) February 25, 2018

“Neymari është i pikëlluar, por ai e kupton se tash nuk ka opsione të tjera. Ai do të angazhohet për t’u shëruar sa më shpejtë që është e mundur. Do të bëjmë gjithçka që është e mundur, në mënyrë që ai të jetë i gatshëm sa më shpejt që është e mundur”, ka deklaruar mjeku.

Dr. Lasmar i bëri këto komente pas arritjes së lojtarit në Galeao Airport në Rio de Janeiro.

Përmendim se Brazili do ta fillojë kampionatin Botëror më 17 qershor me ndeshjen kundër Zvicrës në Sochi. /Telegrafi/