Mickoski: Zaev do të fus në borxh secilën familje për 1.500 euro

Deri në fund të vitit, qeveria e Zaevit do ta fus në borxh secilën familje për 1.500 euro, ndërsa tani ata po shpërndajnë vauçer prej 150 eurosh ryshfete që nuk mund t’i paguajnë. Ne po marrim të dhëna gjithnjë e më shqetësuese. Dy paketat e para të masave nuk e ndihmuan biznesin. Këto masa janë të pamjaftueshme. Nuk janë marrë në kohë të duhur, dhe e gjithë kjo konfirmohet nga gjysma e dobët e përdorimit nën mesatare, tha sot Hristijan Mickoski, kryetari i OBRM-PDUKM-së, përcjell Telegrafi Maqedoni.

Sipas Mickoski, pas 66 ditësh masash shtrënguese, shteti ka gjendje më të keqe shëndetësore dhe ekonomike sesa ajo që kemi pasur para masave.

“Kjo do të thotë që sistemi nuk po funksionon, dhe qeveria nuk po merr metodat më efektive për të mbrojtur standardin dhe shëndetin e qytetarëve. Sot nuk do të flas për gjendjen shëndetësore, do t’ua lë profesionistëve të asaj fushe. Por do të flas për ekonominë ku po marrim të dhëna gjithnjë e më shqetësuese.

Nga ajo që mund të shikonim deri më tani, dy paketat e para të masave nuk e ndihmuan biznesin. Këto masa janë të pamjaftueshme. Nuk janë marrë në kohën e duhur, ndërsa e gjithë kjo konfirmohet nga përdorimi i gjysmave të tyre”, tha Mickoski.

Ai tha se OBRM-PDUKM është pjesë e komunikimeve për datën e zgjedhjeve me konsensus. Mickoski pranoi se ka pasur komunikime, por duke mos potencuar 5 korrikun si datë të propozuar. Mickoski është optimist për marrëveshje.

“Duhet arritur kompromisi për të mirën e qytetarëve dhe të vendit, por jo në kurriz të shëndetit të qytetarëve. Ekziston kanal për komunikim. Nuk dua të jap më shumë hollësi. Nuk jemi të gjithë të njëjtë dhe nuk merremi me gjërat e njëjta. Derisa ka marrëveshje do të njoftoheni”, tha Mickoski./Telegrafi/