Mickoski: Nuk di nëse dikush nga partia është takuar me Gruevskin

Kryetari i OBRM-PDUKM-së, Hristijan Mickoski komentoi videon e djeshme të Nikolla Gruuevskit nga Budapesti që u publikuar në media duke thënë “të përqendrohemi në zgjidhjen e problemeve reale të qytetarëve dhe të shohim shteti të përparojë, në vend se të komentojmë shfaqje reale dhe klipe. Kjo as do të jep vlerë për cilësinë e jetesës, as do të bëj diçka për shtetin”.

Mickoski sot i drejtori gazetarët që në mënyrë direkte ta pyesin Gruevskin në lidhje me logjistikën e tij në Budapest, shfrytëzimin e automjetit me shofer personal dhe vizitën e restoranteve elite, përcjell Telegrafi Maqedoni.

“Duhet ta pyesni Gruevskin për atë. Mendoj se do t’u jep përgjigje të duhur. Personalisht, si Hristijan Mickoski dhe kryetar i OBRM-PDUKM-së, nuk kam koment, as që e dij se kush është vozitësi dhe cili është automjet”, theksoi Mickoski duke u përgjigjur në pyetje të gazetarëve pas ndarjeve të dhuratave për 100 kompanitë më tire të Odës Ekonomike të Maqedonisë veri-perëndimore.

Lexo po ashtu Gruevski shihet në një restorant të shtrenjtë, refuzon t’i përgjigjet gazetarit (Video)

Ai shtoi se nuk ka pasur asnjë komunikim, dhe as që din nëse dikush nga partia është takuar me Gruevskin.

Në pyetjen nëse OBRM-PDUKM do të mbështes Ligjin për amnisti, kryetari i OBRM-PDUKM-së, Mickoski e përsëriti qëndrimin se “partia do të mbështes secilën zgjidhje që do të thotë zgjidhje për personat që janë nën përndjkje politike nga kjo Qeveri”.

Për gjendjen politikën aktuale politike, Mickoski e quajti “shkruaj, fshij” dhe pa reforma strukturore./Telegrafi/