Mbi 60 për qind e qytetit të Bakhmutit është shkatërruar, thotë zyrtari ukrainas

Mbi 60 për qind e Bakhmut është shkatërruar derisa forcat ruse tentojnë një avancim në qytetin në rajonin lindor të Ukrainës, Donetsk, tha një zyrtar ukrainas të mërkurën.

Pavlo Kyrylenko, kreu i administratës ushtarake të rajonit Donetsk, tha se dy civilë vdiqën në qytet të mërkurën për shkak të bombardimeve, transmeton Telegrafi.

“Çfarëdo përpjekjeje për të hyrë në qytet që bën armiku, dështon të përparojë. Çfarëdo përparimi që kishin, ata janë shtyrë në pozicionet e tyre të mëparshme, jashtë kufijve të qytetit”, tha Kyrylenko për televizionin ukrainas. “Në fakt, ata janë tani në zonën e sheshtë të shkatërruar, që gjithashtu kontribuon në humbjet e tyre të mëdha të personelit”.

Bakhmut përmendet rregullisht si pjesa më e kontestuar dhe më kinetike e vijës së frontit prej 1,300 kilometra në Ukrainë. Avancimi rus e ka lënë qytetin në gërmadha.

Në fjalimin e tij historik në Kongres muajin e kaluar, Presidenti i Ukrainës Volodymyr Zelensky i kushtoi gjashtë minuta fjalimit të tij 25-minutësh situatës rreth Bakhmutit.

“Vitin e kaluar, 70,000 njerëz jetuan këtu në Bakhmut në këtë qytet”, tha ai. “Tani kanë mbetur vetëm pak civilë. Çdo pëllëmbë e asaj toke është e njomur në gjak, çdo orë tingëllojnë armë të zhurmshme… lufta për Bakhmutin do të ndryshojë historinë tragjike të luftës sonë për pavarësi dhe liri”.

Anëtarët e kongresit qëndruan në këmbë dhe duartrokitën katër herë, ndërsa Zelensky tregoi fatin e qytetit. /Telegrafi/