Mbesa 23-vjeçare dhe gjyshi 88-vjeçar u diplomuan në të njëjtën ditë: Ai realizoi ëndrrën e jetës për të marrë një diplomë

Vajza 23-vjeçare dhe gjyshi i saj 88-vjeçar do të fillojnë vitin 2022 si studentë të diplomuar.

Melanie Salazar nga San Antonio mori diplomën e saj në artet e komunikimit nga Universiteti i Teksasit më 11 dhjetor.

Ajo u diplomua në të njëjtën ditë me gjyshin e saj, Rene Neira, i cili u diplomuar në ekonomi.

“Kur ishim në skenë u ndjeva e mbytur nga emocionet, heshta. Nuk kam mundur t’i dëgjojë duartrokitjet, por më thanë se shpërtheu i gjithë stadiumi”, tha Melanie, transmeton Telegrafi.

Gjyshi dhe mbesa filluan arsimin e tyre të lartë së bashku në Kolegjin Palo Alto më 2016, raporton dailymail.

Melanie mbaroi shkollën e mesme ndërsa gjyshi i saj, i cili në atë kohë ishte 82 vjeçare, vendosi të shkonte në kolegj për të realizuar ëndrrën për t’u diplomuar.

“Ai ka punuar për të që nga vitet 1950 dhe marrja e diplomës është një nga synimet dhe ëndrra e tyre jetësore. Mirëpo, më pas ra në dashuri, u martua dhe krijoi familje, prandaj nuk mundi të vazhdonte shkollimin”, tha mbesa e tij.

Në vitin 2017, ata shkuan në kolegj së bashku. Edhe pse nuk kishin mësim bashkë, ata studionin bashkë.

“Drekuam, ishim bashkë në bibliotekë dhe punonim në heshtje pranë njëri-tjetrit. E kam çuar shpesh në shkollë”, tha ajo.

Para fillimit të pandemisë së coronavirusit, Neira pësoi një atak të vogël në zemër dhe duhej të mungonte nga shkolla. Kur mësimet rifilluan online, ai gjithashtu nuk ishte në gjendje të merrte pjesë për shkak të problemeve shëndetësore.

Ndërsa dita e diplomimit po afrohej, Melanie dhe familja e saj i kërkuan Universitetit t’i jepte Neira një shkallë njohjeje, gjë që ata e bënë.

“I thashë se ky ishte momenti ynë. Jam krenare për gjyshin tim dhe mirënjohëse që kam mundur ta kem këtë moment, këtë kujtim me të para se të vdiste”, tha ajo. /Telegrafi/