“Marrëveshja për fqinjësi të mirë është meritë e përbashkët e të gjitha qeverive të deritanishme”

LSDM-ja përmes një kumtese ka reaguar ndaj OBRM-PDUKM-së, të cilët vendosën që mos ta mbështesin në Kuvend marrëveshjen për fqinjësi të mirë me Bullgarinë.

Nga LSDM thonë se marrëveshja me Bullgarinë është meritë e të gjitha qeverive të deritanishme dhe ftojnë OBRM-PDUKM-në të ndalojë me politikat e papërgjegjshme, njofton Telegrafi Maqedoni.

Lexo po ashtu OBRM-PDUKM: Nuk do ta mbështesim marrëveshjen me Bullgarinë

“OBRM-PDUKM-ja duhet të tejkalojë vetveten dhe të ndalojë sjelljet e papërgjegjëshme politike, dhe në vend të saj të tregohet e përgjegjëshme dhe të merr pjesë në zgjidhjen e çështjeve të hapura, në përmirësimin e marrëdhënieve ndërfqinjësore dhe hapjen e perspektivave euro-atlantike”, thonë nga LSDM.

Nga kjo parti gjithashtu shtojnë se marrëveshja për fqinjësi të mirë dhe bashkëpunimi mes Maqedonisë dhe Bullgarisë është një themel i miqësisë dhe sukses i dy shteteve, ndërsa nënshkrimi i saj është sukses i përbashkët i të gjitha qeverive të deritanishme, të gjitha partive dhe të gjithë qytetarëve.

“OBRM-PDUKM duhet të kuptojë që politika do të thotë përgjegjësi, ndërsa marrëdhëniet e mira
ndërfqinjësore janë dhe duhet të jenë prioritet kryesor i Republikës së Maqedonisë dhe qytetarëve të saj”, shtojnë nga LSDM.

Ata në fund thonë se me nënshkrimin e marrëveshjes, Maqedonia bëhet shembull i bashkëpunimit në regjion dhe e forcon pozitën ndërkombëtare që sipas tyre, OBRM-PDUKM e zbehi në 11 vite të plota vetëm që t’i arrinin interesat e tyre./Telegrafi/