Maqedonia e Veriut do të merr pjesë në fondin e solidaritetit të EUROCONTROL

Me propozim të Ministrisë së Transportit dhe Lidhjeve, u miratua vendimi për pjesëmarrjen e Republikës së Maqedonisë së Veriut në fondin special të solidaritetit evropian ATM dhe Fondin e Solidaritetit Vullnetar të Përkohshëm të EUROCONTROL (Organizata Evropiane për Sigurinë e Aviacionit).

Sipas vendimit, Maqedonia e Veriut merr pjesë në Fondin Evropian të Solidaritetit Special ATM për mbështetjen e Ukrainës dhe Moldavisë në vlerë prej 105.396.00 euro dhe Fondin e Solidaritetit të Përkohshëm Vullnetar për mbështetjen e Estonisë, Letonisë, Lituanisë dhe Polonisë në vlerë prej 108.340.00 euro, për të siguruar mjete për shpenzimet për funksionimin e qëndrueshëm të shërbimeve të navigimit të Ukrainës, Moldavisë, Estonisë, Letonisë, Lituanisë dhe Polonisë për vitin 2022.

Si rezultat i pasojave që solli lufta në Ukrainë, në seancën e fundit të Këshillit të Përkohshëm në EUROCONTROL në qershor, këto fonde mbështetëse solidariteti u krijuan me qëllim të mbështetjes së kostove të personelit operacional të kontrolleve të trafikut ajror të këtyre shteteve për vitin 2022, pra vazhdimësia e ofrimeve të shërbimeve të navigacionit ajror publik jotregtar.

Mundësia për të marrë pjesë në fondet është përmes tarifave të fluturime të ngarkuara nga EUROCONTROL në emër të Republikës së Maqedonisë së Veriut ose me kontribut (donacion) direkt nga shtetet në fondet./Telegrafi/