Luis Enrique: Jemi ekipi më ‘fair play’ në Spanjë

Luis Enrique mbyll përfundimisht polemikat në distancë mes Barcelonës dhe Ligës së Futbollit spanjoll për çështjen e simulimeve.

Pasi Neymar u godit në kokë me një shishe gjatë sfidës në Valencia, disiplina akuzoi lojtarët katalanas si simulues dhe ky qëndrim ngjalli reagimin e klubit që kritikoi ashpër federatën për komentin e bërë.

“Nuk kam ndërmend të flas më për atë që ndodhi në Mestalla. Te Barcelona ne kemi disa vlera që përpiqemi t’i përçojmë. Luajmë futboll dhe nuk jemi të dhunshëm për të dëmtuar kundërshtarët”.

Lexo po ashtu Mourinho: Pas pesë vitesh, Messi do të bëjë 34 vjet dhe ne të gjithë do të qajmë

“Jemi mësuar me polemika. Mbajmë titullin kampion dhe luftojmë për të fituar sa më shumë trofe. Spekulimet nuk sjellin asgjë pozitive për askënd. Sjellja e lojtarëve të mi është çmimi që fitojnë çdo vit për ‘fair-play’ e treguar në fushë”.

“T’i hedhim benzinë zjarrit nuk i intereson askujt sepse faktet janë të qarta. Çmimet Fair play që kemi fituar ndër vite flasin qartë për sportivitetin tonë. Ne jemi skuadra që bën më pak ndërhyrje antisportive dhe ndëshkohet më pak me kartonë”, ka thënë Enrique.