LSDM: Sistemi shëndetësor është në kolaps shkaku i OBRM-PDUKM-së

LSDM sot përmes një kumtese me shkrim dërgoi kritika deri tek OBRM-PDUKM-ja për gjendjen e shëndetësisë, duke vlerësuar se mbyllja e disa reparteve Spitalin e Përgjithshëm “8 Shtatori” është pasoja e parë konkrete nga bllokimi i formimit të qeverisë së re, njofton Telegrafi Maqedoni.

Lexo po ashtu Spitali ”8 Shtatori” në Shkup përballet me mungesë të stafit mjekësor

“Nëse do të kishte sot qeveri të re reformuese, do të zgjidhej problemi me kuadrin në spitalin 8 Shtatori dhe ai nuk do të kishte reparte të mbyllura dhe do të punonte me kapacitet të plotë. Nëse OBRM-PDUKM-ja nuk i pengon proceset demokratike, sot do të shqyrtohej propozimi për rritjen e pagave të mjekëve dhe specialistëve, ndërsa mjekët të cilët janë liruar prej obligimeve administrative plotësuese në vendin e punës dhe do t’i kushtoheshin mjekimit”, thuhet në kumtesën e LSDM-së.

Sipas tyre, OBRM-PDUKM-ja për dhjetë vjet e ka shkatërruar shëndetësinë dhe tani, sipas tyre, i bllokon ndryshimet të cilat duhet të sjellin shëndetësi cilësore dhe jetë më të mirë për të gjithë qytetarët./Telegrafi/