LSDM: Në pyetje janë e ardhmja apo izolimi, Mickoski publikisht të tregojë me cilën është

Në një kumtesë të dërguar nga Lidhja Social Demokrate thonë se Hristijan Mickoski dhe LSDM-ja mbesin në sjelljet anti-shtetërore dhe që dëshiron të ta ndalojnë të ardhmen e Maqedonisë.

“Hristijan Mickoski dhe kryesia e OBRM-PDUKM-së mbesin të izoluar në sjelljen anti-shtetërore ku në për çdo çmim duan që ta ndalojnë të ardhmen e Maqedonisë”, thonë nga LSDM-ja duke shtuar se me zgjidhjet e kontestit të emrit hapen dyert e Maqedonisë që të jetë pjesë e BE-së dhe NATO-s, përcjell Telegrafi Maqedoni.

“Pyetja e referendumit është e qartë – ardhmëri apo izolim dhe nëse Hristijan Mickoski ka më pak përgjegjësi dhe seriozitet, të dal publikisht dhe të tregojë se me cilin opsion është. Shihet, të gjitha partitë politike të cilat janë metë vërtetë për BE dhe NATO, vetëm Mickoski dhe kryesia e OBRM-PDUKM-së janë të izoluar dhe kundër integrimit. U bashkuan të gjithë për zhvillim të Maqedonisë, përveç Mickoskit i cili dëshiron izolim. Të gjitha partitë që janë për ardhmërinë e Maqedonisë janë të vendosur dhe të bashkuar, përveç Mickosit dhe kryesia e ngushtë e OBRM-PDUKM-së të cilët duan të kthehen në një të kaluar të zymtë dhe kriminale, dhunë dhe aty ku nuk ka ligjvënie”, thonë nga LSDM-ja.

Ata shtojnë se ma marrë parasysh sjelljen antishtetërore të OBRM-PDUKM së, qytetarët e Maqedonisë do ta shfrytëzojnë mundësinë historike për zhvillim.

“Askush nuk mund të ndalojë të ardhmen e Maqedonisë. Maqedonasit dhe qytetarët e Maqedonisë do të vendosin me identitetin tonë maqedonas të bëhemi pjesë e NATO-s dhe BE-së dhe do ta realizojmë marrëveshjen me Greqinë” thotë LSDM-ja./Telegrafi/