Liverpool vs Atletico Madrid: Ndeshja e Ligës së Kampionëve që dyshohet se shkaktoi 41 vdekje nga coronavirusi

Një studim i bërë nga “Edge Health”, një institucion analizon të dhëna nga shëndeti publik i Britanisë së Madhe (NHS) dhe që është publikuar në Sunda Times, bën të ditur se ndeshje e zhvilluar më 11 mars në mes Liverpoolit dhe Atletico Madridi në kuadër të Ligës së Kampionëve, kishte rreth tre mijë tifozë spanjollë të pranishëm, duke shkaktuar 41 vdekje.

Kjo shifër ka shokuar studiuesit që ishin marrë me pasojat e ndeshjes që u zhvillua në 1/8 e finales së garës më të madhe për klube në Evropë, derisa skuadra e Diego Simeones fitoi 3-2 në Anfield për t’u kualifikuar tutje.

Takimi ishte mbajtur dy ditë më herët, para se kryeministri i Spanjës, Pedro Sanchez, ta shpallet vendin të karantinuar dhe të ndërpriteshin ndeshjet.

Carlo Anceloti kishte zbuluar se në një bashkëbisedim me Jurgen Kloppin rreth ndeshjes së zhvilluar në Anfield ishte: Sikur të kishin bërë një krim dhe mendoj se ai kishte të drejtë”.

Drejtoi i shëndetit publik në Liverpool, Mattheë Ashton kishte thënë më 3 prill se zhvillimi i ndeshjes ishte një gabim, pasi aty ishte shkaktuar një infektim i madh.

Një ndeshje tjetër që kishte shkaktuar shumë pasoja, ishte edhe ajo në mes të Atalantas dhe Valencias që ishte luajtur në San Siro, derisa Itali tashmë ishte në kulmin e infektimeve me pandeminë botërore dhe nga aty dyshohet se u infektua edhe Spanja. /Telegrafi/