Ledina Çelo paralajmëron rikthimin në muzikë, publikon ‘trailerin’ e klipit të ri “C’est la vie”

Këngëtarja e mirënjohur shqiptare, Ledina Çelo, ka tash e sa vite që i mungon skenës.

Mirëpo kjo nuk do të jetë edhe për shumë gjatë, pasi shumë shpejt ajo do t’i rikthehet skenës me një projekt të ri muzikor.

Ajo kësaj radhe do të vijë në bashkëpunim me një artist të ri, në një këngë të titulluar “C’est la vie”.

Këngëtarja Çelo ka ndarë me ndjekësit e saj në Instagram edhe ‘treailer’-in e klipit, i cili është xhiruar në Gjermani.

Lexo po ashtu Të gjitha lajmet nga Estrada Shqiptare

Në mbishkrimin e videos, Ledina ka shkruar se xhirimi i këtij klipi kaloi nëpër shumë vështirësi shkaku i pandemisë globale COVID-19, gjersa do të jetë i gatshëm për publikun më datë 6 nëntor.

View this post on Instagram

„C‘EST LA VIE“ Nje kenge e re per ju publik dhe fansa te dashur! Video klipi u realizua jo lehtesisht per shkak te situates jo te zakonshme, por mendoj pikerisht ne kete moment kemi nevoje per nota shpirti dhe dashurie. (YouTube premiere ne 06.11.2020 )

A post shared by Ledina Celo (@ledinacelo) on Oct 31, 2020 at 12:37am PDT

“’C‘EST LA VIE’, një këngë e re për ju publik dhe fansa të dashur! Video-klipi u realizua jo lehtësisht për shkak të situatës jo të zakonshme, por mendoj pikërisht në këtë moment kemi nevojë për nota shpirti dhe dashurie. (YouTube premierë në 06.11.2020)”, ka shkruar Ledina Çelo në Instagram.

Për realizimin e kësaj kënge ajo i është rikthyer bashkëpunëtorëve të aj të vjetër – tekstshkruesit Olti Curri, i cili është kujdesur për vargjet e këngës. /Telegrafi/