Kurti shpalos programin për rininë, premton ndihmë për bizneset e reja dhe park teknologjik

Kandidati për kryeministër të Kosovës, Albin Kurti ka shpalosur plan programin për rininë.

Kurti në Twitter ka thënë se do të krijojnë Fondin për Hulumtime Shkencore, një park teknologjik dhe qasje falas në zyre për bizneset e reja.

Ai premton 2 mijë grante për inovacion çdo vit për rininë.

“Rinia jonë është krenaria jonë. Fatkeqësisht, shumë prej tyre janë larguar nga vendi për shkak të mungesës së perspektivës dhe korrupsionit të përhapur gjithandej vendit. Ne do të përmbysim këtë duke investuar në edukimin e tyre si dhe në idetë e tyre innovative pasi që rinia jonë e ka dëshmuar që kur i ka mundësitë e barabarta, ajo mund të konkurrojë më bashkëmoshatarët e tyre kudo në botë. Ne do të krijojmë Fondin për Hulumtime Shkencore, një park teknologjik, fakultet të IT-së dhe do të ofrojmë qasje falas në zyre për biznese të reja, që të përgatitim rininë tonë për të ardhmen konkurruese. 2,000 grante të dedikuara për inovacion do të ofrohen çdo vit për rininë nga i gjithë vendi”, shkruan Kurti. /Telegrafi/

We will establish the Fund for Scientific Research, a Techno-park, a faculty of IT and provide access to free offices for start-ups, to prepare our youth for the competitive future.
2000 grants dedicated to innovation will be provided each year for youth across the country.

— Albin Kurti (@albinkurti) February 25, 2021