Nga: Fitim Behluli
Më 6 tetor 2021 u bënë 53 vjet nga lejimi i përdorimit të flamurit kombëtar shqiptar, në viset ku jetonin shqiptarët në ish-Republikën Socialiste Federative të Jugosllavisë. Deri atëherë, për këtë flamur shqiptarët sakrifikoheshin, persekutoheshin, burgoseshin e madje vriteshin.
Po për këtë, Remzi Baloku i vuajti dhjetë vjet burg. Në një intervistë që ai e dha para se të vdiste, ka treguar se flamuri kombëtar shqiptar ishte ngritur në Pejë, në vitet 1946-47, e më pas në Prizren dhe në Prishtinë. Më 6 tetor 1968, kur zyrtarisht lejohet përdorimi i lirshëm i flamurit kuqezi, Baloku vuante dënimin në Burgun e Pozharevcit, bashkë me politikanin dhe disidentin e njohur slloven, Jozhe Puçnik.
“E prita mirë lajmin. Por, nuk u kënaqa me kaq, sepse ideal e kishim bashkimin e trojeve shqiptare”, ka thënë ai. “Në vitin 1971, kur u lirova nga burgu, në Pejë arrita pas orës një, pas mesnate. Tek Ura e Zallit kishin dalë qindra njerëz për të më pritur. Aty e pashë se vetëdija kombëtare nuk kishte të ndalur dhe se gjërat po ndryshonin”.
Sipas Balokut, flamuri shtetëror i Kosovës duhet respektuar derisa “t’i vijë koha që të paloset në muze”, sepse, siç ka thënë ai, Kosova duhet patjetër të bashkohet me Shqipërinë.
“Trojet tona duhet të bashkohen. Brezat e rinj duhet të punojnë për këtë”, ka porositur ai.
Baloku vdiq më 11 prill 2021, në moshën 88 vjeçare. Në vitin 1959 e themeloi Organizatën për Bashkimin e Trojeve Shqiptare, që veproi në mënyrë ilegale deri vitin 1964, derisa nuk u zbulua nga UDB-ja jugosllave. Deri në çastet e fundit të jetës ishte kryetar i Shoqatës së ish të Burgosurve Politikë të Kosovës, dega në Pejë. /RADIO 1/Njeshi/
Intervistën e Remzi Balokut, për Telegrafin (5 korrik 2018), mund ta shikoni duke klikuar: KËTU.
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë