Ku qëndrojnë partitë gjermane në raport me luftën në Ukrainë?

Shumica e partive kryesore – duke përfshirë SPD-në, CDU-në dhe të Gjelbërit – janë në favor të ofrimit të ndihmës për Ukrainën ndërsa ajo po përballet tanimë me një luftë trevjeçare me Rusinë.

Por, sipas mediave të huaja, përcjell Telegrafi Scholz ka marrë një qasje pak më të kujdesshme se të tjerat dhe gjithashtu thekson nevojën për diplomaci.

Ndërkohë, AfD dhe BSW kanë bërë thirrje për t’i dhënë fund dërgesave të armëve në Ukrainë dhe një rifillim të marrëdhënieve me Moskën.

Kujtojmë se Gjermania është e dyta pas SHBA-së në dhënien e ndihmës më të madhe ushtarake për Ukrainën.

Sipas qeverisë gjermane, Gjermania ka ofruar ndihmë ushtarake për Ukrainën në vlerë rreth 7.1 miliardë euro (7.4 miliardë dollarë) vitin e kaluar.

Një sondazh i këtij muaji nga transmetuesi ZDF tregoi se 67 për qind e gjermanëve mbështesin ndihmën ushtarake të qeverisë për Ukrainën.

Kujtojmë se votuesit gjermanë po zgjedhin një qeveri të re në një zgjedhje të dominuar nga shqetësimet për ekonominë, presioni për të frenuar migracionin dhe pasiguria në rritje për të ardhmen e Ukrainës dhe aleancën e Evropës me Shtetet e Bashkuara.

Të paktën 59.2 milionë njerëz në kombin prej 84 milionë banorësh kanë të drejtë vote, rreth 2.3 milionë prej tyre për herë të parë.

Qendrat e votimit janë të hapura nga ora 8 e mëngjesit deri në orën 18:00 sipas kohës lokale. /Telegrafi/