Konfiskohet një armë në një aheng në Mitrovicë

Policia në Mitrovicë i është përgjigjur një informacioni të dhënë nga qytetarët për të shtëna me armë në orët e pasdites të datës 3 gusht 2016.

Sipas informacionit të dhënë thuhej se në zonën e ‘Tunelit të parë’ në Mitrovicë dëgjoheshin të shtëna.

Njësitë sektoriale dhe reaguese në kuadër të stacionit policor ‘Jugu’ në Mitrovicë fillimisht kanë bërë lokalizimin dhe identifikimin e vendit, përkatësisht zonës ga ku ishin dëgjuar të shtënat.

Policia ka identifikuar shtëpinë nga ku dyshohej se ishte shtënë me armë, ku njëkohësisht ishte identifikuar se kishte aheng familjar.

Në këtë lokacion është konfiskuar një pistoletë si dhe në cilësi të provave materiale janë marrë gëzhoja të cilat dyshohet se janë shkrepur në atë lokacion.

Është intervistuar i dyshuari Sh. A. 34 vjeçar, i cili dyshohet se ka përdorur armën, ku pas procedurave intervistuese i njëjti është liruar në procedurë të rregullt.

Rasti po hetohet për vepër penale ‘përdorim i armës’, ‘mbajtje në pronësi, kontroll, posedim i paautorizuar i armës’. /Telegrafi/