Kompania e filmave për të rritur i ofron ndihmë Barcelonës për të financuar kontratën e Messit – por ka një kusht

Një kompani e filmave për të rritur i ka ofruar Barcelonës dhjetë milionë euro për të financuar kontratën e Lionel Messit.

Lojtari 34-vjeçar është aktualisht i lirë, pasi kontrata i skadoi më 30 qershor dhe mund të kalojë te çdo skuadër tjetër.

Edhe pas disa bisedimeve të tej zgjatura, ende nuk ka marrëveshjes mes klubit katalunas dhe gjashtë herë fituesit të Topit të Artë.

That is absolutely sensational television. My god. What a way to announce the expiration of Messi's contract pic.twitter.com/fmayfR2umJ

— Carl Anka (@Ankaman616) June 30, 2021

Kompania e filmave për të rritur, ‘Stripchat’ i ka bërë të ditur Barcelonës se janë të gatshëm që t’u ofrojë dhjetë milionë euro, për të ndihmuar financimin e kontratës së re.

Max Bennett, i cili është nënkryetari i Stripchat, tha për Daily Star se ata janë të gatshëm të ofrojnë shumën.

“Si një tifoz i zjarrtë i futbollit, unë jam i vetëdijshëm që FC Barcelona po punon për gjetjen e fondeve për të përballuar një kontratë të re për fytyrën e marketingut tuaj, Lionel Messit”.

“Do të ishte për të ardhur keq që Leo, i cili është regjistruar si lojtar i Barcelonës për 20 vjet, të largohet”.

“Në një përpjekje për të ndihmuar financimin e kontratës së tij, unë doja të ofroja 10 milionë për t’u bërë partner i transmetimit të drejtpërdrejtë për Barcan për sezonin e ardhshëm”.

“Në Stripchat, ne jemi të specializuar në transmetimin e drejtpërdrejta për të rritur për 420 milionë fansa në muaj në të gjithë botën”.

“Duke forcuar teknologjinë dhe rrjetin tonë, ne mund të japim një lloj kënaqësie tjetër duke transmetuar drejtpërdrejt futboll dhe Messin botës”, ka shtuar më tej ai. /Telegrafi/