Qeveria britanike sot lëshoi ​​planet e saj për t’i mbrojtur nxënësit nga coronavirusi, duke përdorur një shirit ndarës në dysheme për t’i mbajtur fëmijët larg njëri-tjetrit. 

Nga 1 qershori, fëmijët e shkollave fillore në pritje, klasa 1 dhe  6 do të kthehen dhe Boris Johnson insistoi se do të ndodhte ashtu siç ishte planifikuar, transmeton Telegrafi.

Por lëshimi i udhëzimeve nga qeveria akoma mund të shkaktojë më shumë mosmarrëveshje.

Unioni Kombëtar i Arsimit (NEU) po kundërshton një kthim nga 1 qershori, por i kanë respektuar udhëzimet që ka lëshuar qeveria për mësuesit.

Hapat kryesorë të përshkruar në udhëzimet për mësuesit janë:

  • Sigurohuni që çdo sipërfaqet e prekur nga fëmijët të pastrohet disa herë në ditë;
  • Mundohuni të mbani grupe të vogla të qëndrueshme të fëmijëve së bashku gjatë gjithë ditës;
  • Shenjat ndarëse mund të ndihmojnë në mbajtjen fëmijëve larg njëri-tjetrit;
  • Hiqni të gjitha lodrat e buta ose ndonjë lodër që është e vështirë për t’u pastruar;
  • Sigurohuni që fëmijët dhe stafi me simptoma të COVID-19 të mos hyjë në klasë;
  • Siguroni distancimin shoqëror të grupeve të fëmijëve dhe stafit sa më shumë që të jetë e mundur;
  • Sigurohuni që duart të lahen rregullisht gjatë gjithë ditës;
  • Sigurohuni që fëmijët të kenë hapësirën e kërkuar;
  • Kufizoni vizitorët dhe mbajini dritaret e hapura për ventilim;
  • Të gjitha aktivitetet e planifikuara duhet të vlerësohen nëse janë të rrezikshme si pasojë e coronavirusit;
  • Institucionet duhet të kenë një politikë për t’iu përgjigjur një rasti të coronavirusit. /Telegrafi/