Katar 2022 do të zhvillohet në dimër: Ja çfarë do të ndodhë me ligat evropiane gjatë Kampionatit Botëror – starti, pushimi dhe mbarimi

Kupa e Botës në Katar do të jetë e para në histori që do të luhet në dimër, që do të thotë se do të mbahet në mes të kampionateve të futbollit në Evropë.

Kjo do të thotë se do të ketë një pushim më ta gjatë në kampionatet në Kontinentin e Vjetër, por nuk do të zgjasë shumë, duke qenë se FIFA ka gjetur një zgjidhje kompromisi dhe ka vendosur të shkurtojë kohën e zakonshme të përgatitjes së ekipeve kombëtare që mund të zgjasë deri në një muaj.

Liga Premier, Bundesliga dhe Seria A italiane do të fillojnë sezonin 2022/2023 një javë më herët se këtë sezon, ndërsa La Liga dhe Ligue 1 do të fillojnë në të njëjtën datë si këtë sezon.

The #FIFAWorldCup groups are set 🤩

We can't wait! 🏆#FinalDraw pic.twitter.com/uaDfdIvbaZ

— FIFA World Cup (@FIFAWorldCup) April 1, 2022

Në këto pesë liga, pushimi para Botërorit fillon pas fundjavës së 12 dhe 13 nëntorit. Skuadrat janë të detyruara t’i lirojnë lojtarët për grumbullimin me përfaqësueset më 14 nëntor, pra vetëm shtatë ditë para hapjes së Kupës së Botës, që do të nis me ndeshjen mes Katarit dhe Ekuadorit.

Botërori përfundon më 18 dhjetor dhe gjermanët, anglezët, spanjollët dhe francezët do të vazhdojnë kampionatin menjëherë pasi ai të kryhet.

Gjermanët startojnë menjëherë më 20 dhjetor, anglezët më 26, francezët më 28 dhe spanjollët më 29 dhjetor. Italianët do të vazhdojnë garat në janar.

Ndryshimin më të madh do ta përjetojë Liga e Kampionëve, në të cilën gara në grup do të fillojë një javë më herët se sivjet – më 6 shtator dhe do të përfundojë më 2 nëntor. Faza e eliminimit do të nisë në mes të shkurtit, siç zhvillohet edhe këtë sezon.

Orari për fillimin e garave për sezonin 2022/2023 në pesë ligat më të forta evropiane

Liga Premier

Fillimi: 6 gusht

Pushimi para Kupës së Botës: 13 nëntor

Vazhdimi i kampionatit: 26 dhjetor

Ndeshja e fundit e kampionatit: 28 maj 2023

La Liga

Fillimi: 12 gusht

Pushimi para Kupës së Botës: 13 nëntor

Vazhdimi i kampionatit: 29 dhjetor

Ndeshja e fundit e kampionatit: 4 qershor 2023

Bundesliga

Fillimi: 5 gusht

Pushimi para Kupës së Botës: 13 nëntor

Vazhdimi i kampionatit: 20 janar

Ndeshja e fundit e kampionatit: 27 maj 2023

Seria A

Fillimi: 13 gusht

Pushimi para Kupës së Botës: 13 nëntor

Vazhdimi i kampionatit: Janar 2023.

Ndeshja e fundit e kampionatit: Nuk specifikohet

Ligue 1

Fillimi: 6 gusht

Pushimi para Kupës së Botës: 13 nëntor

Vazhdimi i kampionatit: 28 dhjetor

Ndeshja e fundit e kampionatit: 4 qershor 2023

/Telegrafi/