“I kalova provat te Galatasaray i gjeneratës së artë” – Nderim Nexhipi zbulon prapaskenat pse dështoi transferimi te gjiganti turk

Ish-futbollisti i njohur tashmë drejtori sportiv i Shkupit, Nderim Nexhipi, ka qenë mysafiri i radhës në podcastin “Arena e Yjeve” në Telegrafi.

Në mesin e shumë temave që u diskutuan me Nexhipin, ai zbuloi edhe prapaskenat se si dështoi transferimi tek gjiganti turk Galatasaray, ndonëse ai kishte kaluar provat atje.

Ai tregon se si në moshën 16-vjeçare paraqitjet e tij të mira tek Shkupi ranë në syrin e drejtuesve të Galatasarayt, të cilët e ftuan atë për prova në Turqi.

“Kur debutova si 16-vjeçar tek Shkupi, më erdhi një ofertë nga Galatasaray, më ftuan të shkoj atje të më shohin në stërvitje”

“Fatih Terim ishte trajner. Hakan Sukur, Gheorghe Hagi, Gheorghe Popescu, Claudi Taffarel, isha dy javë me ta në stërvitje”.

Nexhipi shprehet se drejtuesit kishin dëshirë që ai të mbetej pjesë e Galatasaray, por presidenti i Shkupit atë kohë kërkoi një shumë të madhe parash e cila u bë pengesë që transferimi të mos realizohej.

Për të gjitha këto dhe shumë të pathëna të tjera, Nexhipi i ka shpalosur të gjithat në podcastin “Arena e Yjeve” në Telegrafi.

Këtë podcast mund ta ndiqni në TV Dukagjini çdo të shtunë nga ora 18:10, ndërsa nuk do të ishte i mundur pa përkrahjen e sponsorëve tanë Patos, Dent Fix , Lasko dhe Pro Transport./Telegrafi/