Jennifer Lopez dhe Alex Rodriguez me biznes të ri për një jetë më të shëndetshme

Jennifer Lopez dhe Alex Rodriguez kanë bashkuar forcat për të ndryshuar botën e ushqimit.

Të fejuarit u bashkuan me Tiller: Hatch Supply Co, një markë e re e ushqimeve me cilësi të lartë dhe të shëndetshme, e cila nisi në dyqanet Walmart në të gjithë vendin të hënën më 21 tetor.

Dyshja janë mbështetës të linjës së vaktit “të shëndetshëm” dhe “të përballueshëm”, gjersa sipas një njoftimi për shtyp, ata janë “të angazhuar për ta bërë shëndetin një pjesë qendrore të jetës së tyre”.

Kompleti fillestar i ngrënies përmban tetë receta me cilësi restoranti të krijuara nga Bruce Hecker të Bruce’s Catering. Çdo vakt, i cili kushton më pak se tre dollarë për shërbim, është krijuar për të qenë ushqyes dhe miqësor për buxhetin.

“Ky është një opsion që ne dëshirojmë të kishte qenë në dispozicion të familjeve tona”, shpjegoi Rodriguez, 44 vjeç.

“Ne jemi të përkushtuar, si Tiller & Hatch, për të bërë mirë. Ky partneritet na ofron mundësinë për të siguruar ushqime të përballueshme dhe ushqyese për familjet në të gjithë Amerikën duke dhënë kontribute të konsiderueshme bamirësie për strehimore dhe bamirësi me bazë ushqimore në të gjithë vendin”.

Ushqimet përfshijnë pasta artizanale, thelpinj të përzemërt dhe supa me aromë.

Ndërkohë, Rodriguez dhe Lopez festuan fundin e regjimit të ngrënies së tyre të rreptë me një festë që përfshinte mish, oriz, perime të pjekura, sallatë etj. /Telegrafi/