BE-ja rrit me 5 miliardë euro ndihmën ushtarake për Ukrainën

BE-ja pranon një rritje prej pesë miliardë euroshe të ndihmës ushtarake për Ukrainën.

Vendet e Bashkimit Evropian sot kanë rënë dakord të ndajnë pesë miliardë euro ndihmë ushtarake për Ukrainën.

Të dërguarit nga 27 vendet anëtare të BE-së ranë dakord për rishikimin e fondit të “European Peace Facility” në një takim në Bruksel.

Deal ‼️ EU Ambassadors agreed in principle on a reform of the European Peace Facility, to support Ukraine with €5 billion budget for 2024.

The 🇪🇺 remains determined to provide lasting support to 🇺🇦 & ensure that the country gets the military equipment it needs to defend itself.

— Belgian Presidency of the Council of the EU 2024 (@EU2024BE) March 13, 2024

Fondi funksionon si një skemë gjigante e kthimit të parave, duke u dhënë anëtarëve të BE-së rimbursime për dërgimin e municioneve në vende të tjera.

Pas vendimit, ministri i jashtëm i Ukrainës, Dmytro Kuleba tha se ndihma ishte “një tjetër demonstrim i fuqishëm uniteti dhe vendosmërie evropiane në arritjen e fitores sonë të përbashkët”.

Ndryshe, BE-ja pas SHBA-së është institucioni që e ka ndihmuar më së shumti Ukrainën në luftën kundër Rusisë. /Telegrafi/