Incident në sfilatën e “Chanel”-it në Paris, Gigi Hadidi ndërhyn para sigurimit dhe zgjidh situatën

Super modelja Gigi Hadid u përball me një ndërhyrëse në sfilatën e “Chanel” gjatë Javës së Modës në Paris.

Komedianja Marie S’Infiltre – emri i vërtetë i së cilës është Marie Benoliel – u ngjit në pistë e veshur me një pallto dhe kapelë të zezë në kokë, dhe po modelonte pranë modeleve të përzgjedhur nga “Chanel”, shkruan BBC, transmeton Telegrafi.

Megjithëse tentoi t’i mashtrojë të gjithë, ajo nuk mundi ta bënte të njëjtën gjë me modelen Gigi Hadid, e cila e vërejti menjëherë që ajo nuk është një nga modelet.

Lexo po ashtu Rita Ora shkëlqen me dukjen e saj plot stil në Javën e Modës në Paris, ndërsa provokon me gjoksin

Pasi ajo e vërejti ndërhyrësen në pasarelë, e priti deri në momentin kur iu afrua, dhe vendosi ta pengojë që të ikte, duke pritur sigurimin që ta nxjerrë jashtë.

https://www.instagram.com/p/B3EhFW_lHe7/?utm_source=ig_embed

Duket se ka qenë një marifet publiciteti sesa protestë.

Një zëdhënëse e Chanel tha: “Ne nuk do të bëjmë një dramë nga ajo”.

Shumë njerëz duke shikuar shfaqjen kapën momentin duke xhiruar me telefonat e tyre dhe e ndanë atë menjëherë në rrjetet sociale.

Gigi Hadid ka qenë në trend në mediat sociale për shkak të mënyrës së trajtimit të situatës.

Supermodelja nuk ka komentuar atë që ndodhi por ka ndarë në rrjetet sociale, imazhet e njerëzve të tjerë që kanë kapur këtë moment që ndodhi gjatë sfilatës. /Telegrafi/