“Hashim Thaçi i erdhi në tavolinë Ramushit” (Video)

Deputeti i Aleancës për Ardhmërinë e Kosovës, Pal Lekaj ka thënë se edhe pse është marrë rekomandimi për liberalizimin e vizave, prapë qytetarët nuk do të mund të lëvizin menjëherë.

Ai ka thënë se kushti për Demarkacionin me Malin e Zi është i papranueshëm.

“I lutemi Qeverisë që të ulet në tavolinë, meqenëse edhe Mali i Zi ka shprehur gatishmërinë – kjo është e padrejtë për qytetarin e vendit”, ka vazhduar ai duke treguar se nuk do të marrin pjesë në seancën e ratifikimit të Demarkacionit me Malin e Zi.

Pal Lekaj vlerësoi se AAK e Nisma e kane mbajt fjalën rreth pjesëmarrjes në seancë e sotme të Kuvendit.

“Edhe në kodin familjar edhe në kodin e familjes, ai që të vjen në tavolinë për respekt me të përshëndet, nuk e refuzon. Haradinaj s’ka kurrfarë tendence të bashkëpunimit me këtë Qeveri”, tha Lekaj, duke komentuar fotografitë që kanë qarkulluar sot, në të cilat shihen Haradinaj dhe Presidenti Thaçi bashke.

Duke folur për marrëdhëniet me Lëvizjen Vetëvendosje, Lekaj ka vlerësuar se sa më shumë kohë që po kalon, VV po bindet se nuk është në rrugë të drejtë.

“VV-ja duhet rishikuar vendimin e tyre e me iu bashkua opozitës. Nuk ka bashkëpunim me Qeverinë e ska as alternativë tjetër me VV-në”, është shprehur i bindur Lekaj. /Telegrafi/

https://www.youtube.com/watch?v=kd1gXrFqcTc