Lajme Kosovë

Haradinaj: Qeverisja transparente vlerësonet nga institucionet ndërkombëtare

Para 4 vitesh

Kryetari i Aleancës për Ardhmërinë e Kosovës (AAK) Ramush Haradinaj, sot ka qëndruar në Junik, ku me këtë rast është bërë promovimi i Programit Zgjedhor, kandidatit për kryetar komune Agron Kuçit dhe kandidatëve për Kuvendin Komunal.

Ai tha se Juniku në kohë lufte ka qenë shtëpia e gjithë Kosovës, ku përulemi para kontributit tuaj në atë kohë të vështirë.

“Kur po i shoh këto pisha, po ma kujtonë kohën kur Juniku ka qenë shtëpia e gjithë Kosovës dhe e UÇK-së, e krejt atyre njerzëve që ju kanë kushtuar lirisë. Dhe si sakrificën e juaj, mundin e juaj, po edhe luftën e juaj dhe vërtët përulemi para kontributit tuaj në atë kohë të vështirë”, tha Haradinaj.

“Për mua nuk ka pas ditë më të gëzuar, se sa dita kur u kriju komuna e Junikut. Jam ndje si me hek një përgjegjësi prej vetës sepse fatin e Junikut, ja kemi dërguar junikasëve, tash fati i Junikut është në dorën tuaj, kjo është diçka e mrekullueshme”, shtoi ai.

Më tej Haradinaj tha se Juniku prej që është bërë komunë në vete ka marr një fizionomi të veten ku qeverisja transparente vlerësohet nga institucionet ndërkombëtare.

“Më vjen mirë që pas një kohe të gjatë Juniku ka fillu me marr një fizionomi të vetën si komunë, si në infrastrukturë, po keni fillu me i vendos edhe vlerat e juaja, vendosjen e kullave. Po, e rëndësishme është edhe qeverisja transparente edhe ajo e vlerësimit të tillë nga institucionet ndërkombëtare, ku Juniku është kthy në adresë e respektueshme”, tregoi Hsradinaj.

“Dua të ju falënderoj të gjithve po ashtu edhe juve kryetar Agron. Një respekt i veçantë nga unë është për ata që nuk janë më në jetë. Juniku është specifikë dhe i veçantë me vlerat e veta. E rëndësishmja për mua është që mos me u korit me Junikun, se unë gjithmonë kam pas dëshirë me tregu respektin që e kam ndaj jush, e këtë besoj që e kam arritur”.

Haradinaj tutje tha se nëse dëshirjomë ta mbrojmë atë që ne e kemi kriju duhet me u bazu në dy vlera, me i respektu të gjithë ata që sakrifikuan për luftë dhe me forcu sigurin e vendit.

“Çdo herë flasim për reform dhe vizon, po mos harroni është e juaja a jeni të zot me mbrojtë, atë që nuk e mbroni nuk është e juaja. Që i bjen as liria, as prona, as kurgjë nuk është e jona nëse nuk jemi të zot me mbrojtë. E për me u mbrojtë Kosova edhe me ekzistu shteti i Kosovës ashtu siç me ekzistu komuna e Junikut, duhet me u bazu në dy vlera. E para është me i respektu ata që kanë sakrifiku për liri, po jo vetëm ushtarët, po edhe intelektualët dhe gjithë të tjerët. E dyta është me forcu Ushtrinë, sigurinë se nuk bënë pa siguri, ushtri dhe intelegjencë. Jo kundër popullit, po për populln tënd’, tha ndërr të tjera Haradinaj.