Guardiola kërkon siguri nga Liverpooli: Autobusi ynë nuk ka pse të sulmohet

Pep Guardiola ka folur para ndeshjes me Liverpoolin ku ka kërkuar siguri që autobusi i Manchester City të mos sulmohet sikurse ka ndodhur në të shkuarën.

Man City kthehet në Anfield, pas një kohe kur ishte goditur me shishe dhe fishekzjarre, në kuadër të çerekfinales së Ligës së Kampionëve në sezonin e kaluar.

Liverpool kishte kërkuar falje për dëmin e shkaktuar dhe kishte dënuar veprimet e individëve të përfshirë.

Dy policë të Merseyside u plagosën në atë episod armiqësor, ndërsa Guardiola, këmbëngul se gjëra të tilla nuk duhet të ndodhin.

“Është diçka për Liverpoolin, jo për mua”.

“Mënyra më e mirë për ta mbrojtur autobusin është që tifozët e Liverpoolit të shkojnë në stadium më herët”.

“Pse duhet të jetë policia atje? Për çfarë? Ne arrijmë atje, të dyja palët, për të luajtur një lojë të Ligës Premier”.

“Do të doja që policia të kthehej në shtëpi në familjet e tyre, ta pinte një birrë dhe ta shikonte shfaqjen. Kjo është ajo që duhet të bëjnë”.

“Por kjo varet nga njerëzit e Liverpoolit, jo në Manchester City”, ka thënë Guardola. /Telegrafi/