Guardiola: Gara për titull nuk ka mbaruar ende

Gara për titullin e kampionit të Anglisë nuk ka përfunduar, ka thënë trajneri i Manchester Cityt, Pep Guardiola edhe pas fitores bindëse ndaj Arsenalit me rezultat 4-1.

Pavarësisht humbjes, Topçinjtë janë ende në epërsi, por avantazhi i qytetarëve është se tani janë vetëm dy pikë pas dhe kanë dy ndeshje më pak të zhvilluara.

“Njerëzit thonë se ka mbaruar, por jo. Do të përfundojë kur të përfundojë. Kemi edhe shtatë ndeshje, duhet të luajmë lojën tonë. Tani kemi një vizitë te Fulhami i shkëlqyer”.

“Jemi në lojë dhe të gjithë po luftojnë për diçka. Fulham ka një stadium të veçantë dhe një ekip të organizuar. Ne nuk do të marrim asgjë si të mirëqenë”, ka thënë fillimisht Guardiola.

Ai tutje u ankua te orari i shpeshtë, ku skuadra e tij luanë pothuajse çdo tri ditë për 11 muaj.

Lexo po ashtu Man City i Pep Guardiolas ëndërron për tripletën: Llogaritë që do t’i dërgojnë drejt historisë

“Ndonjëherë është mirë të ulesh dhe të mos luash. Nuk është një ndëshkim, ndonjëherë duhet ta kuptosh këtë dhe të rifreskosh mendjen”, ka thënë Pep.

Fulham dhe Man City përballen të dielën, ndërsa Arsenali do të luajë me Chelsean të martën. /Telegrafi/