Man City i Pep Guardiolas ëndërron për tripletën: Llogaritë që do t’i dërgojnë drejt historisë

Manchester City është skuadra e vetme e aftë për të arritur tre trofe në Kontinentin e Vjetër këtë sezon 2022/23.

Fitorja e tyre ndaj Arsenalit i bën atë të varen nga vetja në Ligën Premier… por në të njëjtën kohë është në finalen e FA Cup dhe në garë për Ligën e Kampionëve.

Në dy garat e tjera, duelet janë kundër futbollit historik evropian. Në Ligën e Kampionëve, Real Madridi pret me padurim ndeshjen, pasi dolën fitues vitin e kaluar. Në FA Cup, dy klubet nga qyteti i Mançesterit udhëtojnë drejt Ëembley. ‘Djajtë e Kuq’ dhe ‘Qytetarët’ do të luftojnë qershorin e ardhshëm për të qenë mbreti të qytetit.

Ndërkohë në Ligën Premier, fitorja ndaj Arsenalit e ka lënë Manchester Cityn me 73 pikë në 31 ndeshje. Pra, dy pikë prapa Arsenalit me dy ndeshje të tjera për të luajtur (ndeshjet e shtyra nga FA Cup). Me këtë fitore, ‘qytetarët’ grumbullojnë 18 ndeshje radhazi pa humbje, që nga 5 shkurti.

Lexo po ashtu Ferdinand paralajmëron Man Cityn: Testi i madh është Real Madridi, pavarësisht se në çfarë forme janë

“Jemi 11 ndeshje larg, po. Me fjalë të tjera, shumë larg”, ka thënë Guardiola.

Trajneri katalanas është gjithmonë i kujdesshëm, e di se është herët për të festuar dhe kjo është se Liverpool, rivali i tyre i madh vitin e kaluar, nuk arriti të lavdinë dhe përfundoi duke festuar “vetëm” kupat angleze.

Rruga për të prekur lavdinë në Ligën Premierë, shkon kah ndeshjet si mysafir ndaj Brighton dhe Brentford, të afta për të mposhtur këdo këtë sezon siç kanë treguar.

Por rrugës Man City ka treguar se është e aftë të mposht çdo skuadër.

Emra si Arsenali, Leizpig, Liverpool dhe Bayern Munich i janë nënshtruar skuadrës së Pep Guardiolës me një bilanc prej 22 golash të shënuara dhe vetëm 4 gola të pranuara. /Telegrafi/