Grupi Ndërkombëtar i Krizave vlerëson se, deri në maj të vitit 2008, SHBA-ja, Britania e Madhe, Franca, Gjermania dhe Italia - në bashkëpunim me Prishtinën - do të shpallin pavarësinë e Kosovës, në bazë të planit të Martti Ahtisaarit, pas së cilës "pesëshja" dhe vendet tjera do të njihnin shtetin e ri.
Në raportin e publikuar sot theksohet gjithashtu se, edhe pas pavarësisë së kushtëzuar të Kosovës, bashkësia ndërkombëtare do të duhet t’i ndihmojë Kosovës dhe Serbisë të zgjedhin kontestin në atë mënyrë që i jep fund Rezolutës 1244, anëtarësimit të Kosovës në Kombet e Bashkuara dhe përfundimisht garantimin të stabilitetit të Ballkanit Perëndimor.
Në momentin që Grupi i Kontaktit, më 10 dhjetor, apo rreth asaj date, t’i raportojë Sekretarit të Përgjithshëm të OKB-së, për mossuksesin e negociatave të cilat i ka udhëhequr Treshja, pesë shtetet e Grupit të Kontaktit, përkundër kundërshtimit të Serbisë e Rusisë, duhet që shpejt të fillojnë zbatimin e planit për transicion të qetë që do të kulmojë me pavarësinë e kushtëzuar të Kosovës, në maj të vitit 2008.
Tani shumë varet nga dinamika në mes të BE-së dhe Sekretarit të Përgjithshëm të OKB-së Ban Ki-Moon. BE duhet që, më 14 dhjetor, në takimin e shefave të shteteve apo qeverive, zyrtarisht të deklarojë se bisedimet kanë përfunduar, se plani i Ahtisaarit është mënyra më e mirë që të shkohet më tej dhe se është e gatshme që ta vendos misionin e saj në Kosovë, thuhet në këtë raport.
Pas kësaj, Sekretari i Përgjithshëm i KB-së, duhet ta thotë qartë se përshëndet përcaktimin e BE-së që ta vendos misionin e saj të ri në Kosovë për zbatimin e më tejmë të Rezolutës 1244. Pas kësaj, BE-ja duhet që në fillim të vitit 2008 të ndërmarrë hapa të shpejtë në zbarkimin e misionit të saj në Kosovë.
“Sekretari i Përgjithshëm i KB-së dhe Brukseli kanë një shkallë ndërvarësie në këtë proces. Pa një porosi të qartë nga takimi i Këshillit të Evropës, është pak e besueshme që Ban Ki-Moon të ndjehet i aftë që të jap kurrfarë deklarate mirëseardhjeje misionit të BE-së”, thuhet në këtë raport.
GNK-ja vlerëson se nuk mund të pritet një kundërvënie e Ki-Moon-it ndaj presionit rus po të mos jetë i sigurt në vendosmërinë e BE-së. Por, pa ndihmën e tij dhe ofrimin, së pak të ndonjë mbulesë nga KB-ja, është pak e besueshme që BE-ja t’i tejkalojë rezervat e dhe zërat e fundit për vendosjen e misionit të saj në Kosovë.
Qeveria e re e Kosovës, do të duhej që, deri në janar të vitit 2008, të njoftojë se do ta shpallë pavarësinë, sipas planit të Ahtisaarit – në maj – pas 120 të periudhës kalimtare dhe që ta ftojë BE-në që menjëherë ta vendos misionin e saj, kurse NATO të mbetet në vend.
“Pesëshja” dhe një numër sa më i madh vendesh të BE-së, pas kësaj deklarate për qëllimet e Kosovës, do të pajtohej për njohjen e pavarësisë së Kosovës, shumë shpejtë pas shpalljes së saj, në maj 2008,vlerëson GNK.
Në këtë raport thuhet se, për shkak të kërcënimit të Moskës, Këshilli i Sigurimit nuk do ta zhvlerësojë Rezolutën 1244 e cila njeh sovranitetin e Serbisë mbi Kosovë dhe se nuk do të ketë mundësi që ta pranojë planin e Ahtisaarit për pavarësinë e mbikëqyrur të Kosovës dhe misionin e BE-së i cili do ta zbatojë këtë plan.
Promo
Reklamo këtuLufta Prigozhin - Putin
Më shumëShkëmbim zjarri mes dy grupeve, policia jep detaje nga vrasja dhe plagosja e pesë personave në Prishtinë
Punëtorët serbë mblidhen para objektit të ish-komunës paralele në veri të Mitrovicës, kërkojnë rikthimin në punë
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Të shtëna me armë zjarri në Prishtinë, dyshohet për një të vrarë - pesë të plagosur dërgohen në QKUK
Policia e Kosovës: Protestat në veri të Mitrovicës u zhvilluan të qeta dhe pa incidente
Brenda dy javëve, mjekët duhet të vendosin nëse do punojnë në spitalet publike apo private
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Të shtëna me armë zjarri në Prishtinë, pesë të plagosur dërgohen në QKUK
Mysafirët nga Serbia e njoftojnë Kurtin: Beogradi po planifikon zhvendosjen e serbëve të Kosovës për në Sanxhak
Super gol i Edon Zhegrovës përballë PSG-së
Aktorja e famshme turke ka rrënjë shqiptare - flet me krenari për veshjet dhe ushqimet tradicionale
Formë e re e presionit ndaj Netanyahut - grevë e përgjithshme, ‘paralizohet’ gjithçka në Izrael
Vrapi me pengesa i turizmit në Shqipëri: Rritja e pajustifikuar e çmimeve la shezlongët bosh