Gjermania rikthehet te fitoret, mposht Irlandën Veriore në kualifikimet e Euro 2020

Gjermania është rikthyer te fitorja në kuadër të kualifikimeve për kampionatin evropian të vitit 2020.

Gjermanët kanë triumfuar si mysafirë në stadiumin Windsor Park të Irlandës Veriore me rezultat prej 2-0.

“Pancerat” gjatë gjithë ndeshjes kanë dominuar në këtë takim, por që arritën të triumfojnë në saje të golave në pjesën e dytë.

Në pjesën e parë vetëm dy raste ia vlen të theksohet dhe ato i takojnë vendasve, kur në të dyjat janë përfshirë Conor Washington, i cili në të gjashtën, përkatësisht në të shtatën minutë nuk arriti të realizoj gol.

Në 45 minutshin e dytë, bardhezinjtë arritën të realizojnë golin e fitores që i solli tri pikët e reja në luftën për evropian.

Vetëm tre minuta me të filluar pjesa e dytë, Marcel Halstenberg shënoi një super gol pas një harkimi të Julian Brandit.

Serge Gnabry dhe Timo Werner kishin mundësi ta dyfishojnë epërsinë, por që dështuan para portës së portierit, Farrel.

Në të 63-tën minutë, Stuart Dallas pati rast të mundësi ta barazonte rezultatin, megjithatë më i mirë u tregua Manuel Neuer.

Kur pritej që ndeshja të përfundonte, në skenë doli Serge Gnabry, i cili realizoi gol të bukur në kohën shtesë pas një pasimi të saktë të Kai Havertz.

Ndryshe, Gjermania zë pozitën e parë të renditjes tabelore me 12 pikë, po aq sa ka edhe Irlanda Veriore, por që ka gol dallim më të dobët. /Telegrafi/

https://youtu.be/f7_baUS3Grg