Geer: Jemi të përkushtuar për fillim sa më të shpejtë të bisedimeve me RMV

Të gjithë jemi shumë të përkushtuar drejtë gjetjes së përbashkët të zgjidhjeve të cilat do të sjellin hapjen e bisedimeve për anëtarësim të Maqedonisë së Veriut sa më shpejtë që është e mundur, deklaroi sot euroambasadori David Geer, në përgjigjen e pyetjes së gazetarëve nëse propozimi portugez për zhbllokimin e procesit tonë eurointegrues do të shqyrtohet edhe gjatë presidencës sllovene me BE-në.

“I vlerësojmë përpjekjet që të zgjidhen çështjet e pazgjidhura ndërmjet Maqedonisë së Veriut dhe Republikës së Bullgarisë. Kjo është me të vërtetë e rëndësishme dhe diçka drejtë çka bëjmë thirrje sa i përket hapjes së vetë bisedimeve. Këtu mund ta përsëris atë që e thotë udhëheqësia e BE-së, shpresojmë se bisedimet do të hapen sa më shpejtë që është e mundur”, theksoi euroambasadori Geer.

Në pyetjen që të japë koment për retorikën e disa politikanëve bullgarë, si dhe të eurodeputetit nga Bullgaria në lidhje me Maqedoninë e Veriut, Geer tha se kur bëhet fjalë për marrëdhëniet e mira fqinjësore, është me rëndësi që politikanët të jenë të përmbajtur në deklaratat.

“Sa i përket vërejtjeve të dhëna nga disa politikanë të vendeve të tjera dhe deputetë të vendeve anëtare, unë nuk do të komentoj për këtë, nuk është kjo praktikë e imja. Por, është me rëndësi që të jemi të përmbajtur gjithmonë kur bëhet fjalë për marrëdhëniet e mira fqinjësore. Ato janë me të vërtetë të rëndësishme dhe për këtë politikanët duhet të jenë të përmbajtur në atë drejtim”, tha euroambasadori Geer në konferencën për media me rastin e nënshkrimit të marrëveshjes për mbështetje të ndërmarrjeve në vlerë prej 100 milionë euro nga Banka Evropiane e Investimeve (BEI).