Gashi takim njoftues me Delawie, diskutohet për sigurinë në vend

Ministri i Punëve të Brendshme, Bejtush Gashi, priti në takim njoftues ambasadorin e Shteteve të Bashkuara të Amerikës, Greg Delawie.

Në këtë takim, ministri Gashi e njoftoi ambasadorin amerikan për situatën e përgjithshme të sigurisë në Kosovë.

Ata diskutuan për marrëdhëniet dhe bashkëpunimin mes SHBA-ve dhe Republikës së Kosovës për çështjen e sigurisë në vend dhe për gjendjen civile të Kosovës.

Ministri Gashi falënderoi ambasadorin Delawie për përkrahjen që kanë dhënë ShBA-të në fuqizimin e agjencive të sigurisë në kuadër të Ministrisë së Punëve të Brendshme dhe kërkoi që kjo përkrahje të vazhdojë edhe në të ardhmen.

Ndërsa, ambasadori Delawie e uroi ministrin Gashi për detyrën e ministrit të Punëve të Brendshme dhe vlerësoi se është shumë e nevojshme për një përkushtim më të madh në ruajtjen dhe ngritjen e nivelit të sigurisë në Kosovë. Ai ofroi përkrahjen e SHBA-ve në forcimin e më tejmë të institucioneve të sigurisë në Kosovë.

Ndryshe, ministri i Punëve të Brendshme, Bejtush Gashi ka takuar sot edhe ambasadorin e OSBE-së në Kosovë, JanBraathu.

Në këtë takim njoftues u diskutua lidhur me bashkëpunimin e mirë që kanë Ministria e Punëve të Brendshme dhe misioni i OSBE-së në Kosovë. /Telegrafi/